تحرير المرأة من جماعات "آكلي وشوش البشر"

المرأة المصرية
البنت على اعتاب تأسيس اسرتها تضع نفسها و زوجها تحت مقصلة التقليد الاعمى و تغييب العقل و رفع راية "الناس تاكل وشنا" لغاية ما تلاقي نفسها حولت بيتها الى فخ محكم لها قبل زوجها ثم تتحول المرأة الى زومبي يسعى لنشر فشله في كل الاسر المحيطة بها تحت تهديد انهم لو ماسمعوش كلامها الناس هتاكل وشهم
صحيح هي فصيلة" آكلي وشوش البشر" فيها نساء و رجال لكن الاغلبية العددية في تلك الفصيلة من النساء و قيادات الفصيلة من اصول نسائية و حارسات الفصيلة ايضا من اصول نسائية
و طبعا لأن الوقاية خير من العلاج فلازم كل واحد مننا يحمي وشه من التآكل حتى لا يتحول الى زومبي يتغذى على وشوش الاخرين
كيف تحمي وشك من التآكل ؟ بانك تركب وش غير قابل للافتراس
ازاي ؟ 
كل ما تقدم على خطوة في حياتك كبيرة او صغيرة اسأل نفسك اذا كان القرار يخصك و ناقش شريكك ان كان القرار مشترك اهم سؤال و اول سؤال "انا بعمل كده ليه؟ او احنا بنعمل كده ليه؟" فاذا كانت الاجابة "علشان الناس متاكلش وشنا" فاخرج الى الناس بدون وش و اعمل اللي انت شايفه صح و بعد معارك صغيرة و قصيرة جدا سيتم تداول اسمك بين فصيلة "آكلي وشوش البشر" عل انك كائن بشري لا يمكن افتراس وشه و على كل افراد الزومبي الابتعاد عنك لانك خطر على الفصيلة لانك اثبات حي ان الوشوش مش بتتاكل و ان وشك لسه سليم فيبدأ الناس في التجرؤ على الفصيلة و اكل وشها و يبقى منظرهم وحش في وسط غيرهم من الزومبي
و على الرجل دور مهم في طمأنة زوجته و ابنته و اخته ان مفيش حد ممكن يفترس وشها و ان ده وهم و ان لا يمكن حد ياكل وشك الا اذا انت اديته فرصة

تعليقات

التسميات

عرض المزيد