اكثر الاغاني الوطنية تكرارا في الثمانينات “لو عايز تعرف ازاي بقينا كده”
 |
| محمد ثروت اكبر مورد للسهوكة الوطنية رعاه الله |
في اطار البحث عن “ازاي بقينا كده بعيد عنك ”
******************
الله الله على المستقبل
فايزة احمد في بداية عهد مبارك
و ادينا شوفنا المستقبل و شوفنا مصر
******************
مصريتنا وطنيتنا حماها الله
محمد ثروت “مصريتنا تبني بيوتنا ازاي معرفش”
محمد ثروت الله يسامحه كان متعهد توريد الوطنية
******************
عينيا السهرانيين – “لو ندهت تلاقيني قدامها لو تعبت اسهر علشانها و اعملها كمادات و اقيس الحرارة و كده”
******************
عايزينها تبقى خضرا “اتحف الاغاني الوطنية على الاطلاق تخيلوا كنا بنسمعها في اليوم عدة مرات مشبعات منفخات”
******************
انا من البلد دي “الرأي شورى مش رأي فردي
”غناء شوية فنانين ربنا كرم اغلبهم و ازاحهم من طريق الاجيال الجديدة
******************
بلدي -هاني شاكر و محمد ثروت “التنين مع بعض” كانوا بيعاقبونا بيها لما المنتخب يكسب لغاية ما ياسمين الخيام انقذتنا بالمصريين اهمه حيوية و عزم و همة
و الاغنية دي كان عليها اكبر كمية تريقة من اطفال المدارس
******************
رجالة يا ولاد بلدي “و هات شرشحة للعالم اللي مكانش لاقي ياكل و احنا كنا اسياده "
******************
مصر هي امي نيلها هو دمي
شمسها في سماري
شكلها في ملامحي
“عفاف راضي”
******************
مصر يا اول نور في الدنيا – محمد ثروت “لو مالت كده “غمزة” الدنيا تميل” ارهاصات المهرجانات و فيها ايحاءات ان مصر اضطرت تعمل حاجات مش كويسة علشان تصرف على ولادها
"مصر يا اول نور في الدنيا غطي حمادة بالليل – و يحكي الحجر حكاية غجر تاريخهم اسود جيل ورا جيل” هكذا كان يسخر اعداء الوطن من شرفاء الوطن
******************
عاشت بلادنا عاشت حرة لولادنا و ولاد و ولاد و لادنا حتى اخر الزمان على ايدك الشمال – محمد ثروت رضي الله عنه
******************
مصر مصر تعيشي يا مصر
نادية مصطفى – مدحت صالح
******************
متقولش ايه ادتنا مصر قول هندي ايه لمصر – عالية التونسية حبت تجامل مصر بكلمتين حلوين عني من باب عزومة المراكبية فرضوها علينا و خلوها منهج في الوطنية
و بعدين انتم بتلموا لها و كانها بتجري على يتامى
***********
تعليقات
إرسال تعليق