المشاركات

عاشوراء وكربلاء ويوم كيبور والعاشر من رمضان

توافق اليوم عاشوراء مع يوم كيبور عند اليهود و ذكرى كربلاء عند الشيعة والعاشر من رمضان عند طائفة لم تظهر بعد من المسلمين

يا باشمتخصص قاضي حيل اوراقهم للمفتي المتخصص مايهمكش حاجة

صورة
اللي 64.8% من كلامهم اعتداء على كافة التخصصات من تاريخ الى تشريع الى احياء الى كيمياء الى فضاء وعلوم كون زعلانين ان الناس بتراجعهم في شطحاتهم الللي هما مختلفين عليها وفيها واللي هما اصل مخالفين فيها لجهات الاختصاص الرسمية المعترف بها من الدول
ورغم كده لما الخلاف بينهم بيشتد بيرجعوا يحشدوا العوام في معاركهم المتخصصة
عمرك سمعت عن اتنين اطباء قسموا الجماهير ودخلوهم في حروب طاحنة على مدار سنوات بل قرون من اجل نفي او اثبات نظرية في الطب او بحجة ان طبيب منشق ينفي ما هو معلوم من الطب بالضرورة
وبعدين ما احنا معانا شهادات من اهل التخصص انكم خوارج يجب ابادتكم وبنقول لاء حرام تيجوا انتم تشتمونا عشان بنجادل مجرد بنجادل اهل التخصص
يا باشمتخصص قاضي حيل اوراقهم للمفتي المتخصص مايهمكش حاجة
السيستم واقع

قتل الصحابة اجتهاد مأجور لكن مناقشة تصرفاتهم كفر او نفاق

قتل الصحابة اجتهاد مأجور لكن مناقشة تصرفات بعضهم كفر او نفاق او حسب ما يطلع من ذمة اللي بيناقشك

السلطة مفسدة الا من اغترف غرفة بيده

السلطة مفسدة ولو تطور الناس الى مرحلة القيادة بلا سلطة او التعايش بدون سلطة "كمجتمعات النمل" ستكون حياتهم افضل والى ان يحدث هذا التطور المرجو فان السلطة المفسدة ضرر لابد منه فلا نغترف منها الا غرفة باليد على قدر الحاجة الضرورية ومن شرب اكثر فليس من الاسوياء سواء تسلط او تسلط عليه

كربلاء الاخوان بعد الف عام

بمناسبة عاشوراء وكربلاء نط في دماغي سؤال هما الاخوان بعد الف عام هايضربوا نفسهم بالسلاسل في ذكرى رابعة ولا ذكرى ترشيح مرسي ولا ذكرى الغاء توقيع مصر على اتفاقية الجنائية الدولية؟
فرد علي دماغي انت تقصد انه اخوان .. اخوان رابعة ولا اخوان قطب ولا اخوان البنا ولا اخوان محمود عزت ولا اخوان الشاطر
لقد افترق الاخوان بعد القرن السابع لغيبة مرسي الى اثنين وسبعين شعبة

وانا طفل كنت باكره جميل راتب "لطفي" لانه كان بيضايق سنبل "محمد صبحي"

صورة
وانا طفل كنت باكره جميل راتب "لطفي" لانه كان بيضايق سنبل "محمد صبحي"
لما كبرت فهمت ان لطفي كان الوحيد اللي فاهم حقيقة سنبل كويس

اختلاف الرأي بينور لكن سوء التفاهم خراب للفرد والبلد

صورة
لما حد بيفهمك غلط يا اما بيتصرف غلط ويحملك المسئولية يا اما بيطلع بقناعة انك حمار وغالبا بيضرك لانه مش بيحتفظ بالقناعة دي لنفسه لكن بينشرها ويسمم المجتمع المحيط بيك وبيه بانطباعات مغلوطة بتاثر على حياتك وشغلك بالذات لو شغلك مش تقني بحت "انت والالة دون وسيط"
لذلك انا واحد من الناس باحاول اطور مهاراتي الشخصية في الانسحاب من اي نقاش او معاملة مع شخص من اللي بيفهموا غلط بطبعهم "مش بيسمع او مش بيفهم او بيتعمد سوء التفاهم او مش بيركز في المعاني او عاوز يمسك عليك غلطة عشان حاسس انك شايف عيوبه فتبقى واحدة قصاد واحدة"
ويظل اعتقادي ان مجتمعنا ممتلئ بسوء التفاهم اكثر مائة مرة من اختلاف الاراء
سوء التفاهم يجيب تخلف اختلاف الاراء يعمل ازدهار
حتى لو حصل صراع دموي ناتج عن اختلاف الاراء فانه لا يطول في الزمن ويسهل انهاؤه بالتفاوض او الانصياع او النصر والهزيمة المباشرة

يا تجيب لي حقي من قيصر يا تسيبني اتعامل انا بقى

يا تجيب لي حقي من قيصر يا تسيبني اتعامل انا بقى

دبر لنا فانا لا نحسن التدبير = انجز شغلنا عشان مالناش في الشغل

دبر لنا فانا لا نحسن التدبير = انجز شغلنا عشان مالناش في الشغل #السيستم_واقع

السوشيال ميديا شلال توليد طاقة مش حمام سباحة

صورة
"بدل ما تكتبوا بوستات في المشاكل اللي انا شايفها تافهة اكتبوا بوستات في المشاكل اللي انا شايفها اهم"
ده اعتراف ضمني بقوة السوشيال ميديا او قوة تواجدنا في السوشيال ميديا مع غفلة عن طبيعة هذه القوة وسبل استثمارها
اننا نتفق على مشكلة ونحلها عبر السوشيال ميديا استثمار فاشل جدا لانك بتسيب كل النواتج الغنية ورايح تثتثمر في اثر جانبي بيحصل مرة كل كم سنة على سبيل الاستثناء
الاسنثمار الاغنى للسوشيال ميديا هو قوة التعدد والتنوع والتضاد الذي يبرز المعاني ويوضحها ويعطيك قدرة هائلة على التعلم والتثقيف الذاتي دون وصاية او وساطة وبقدر اقل من التجارة لم يكن متاح لجيل من اجيال البشر من قبل حتى التنازع عبر السوشيال ميديا هو تنفيث عن نزاعات لو لم تنفث قد تستخدم السلاح وهذا التنازع يكشف كم رهيب من الحقائق المسكوت عنها لمن يريد ان يعرفها
شلالات النهر الهادر موجودة عشان تولد كهرباء لمدن وتغير حياة شعوب اللي عايز مسطح مائي يتعلم فيه العوم يدور على حمام سباحة واللي عايز يصطاد بساريا يدور على حتة هادية تحت ظل شجرة يصطاد فيها

التسميات

عرض المزيد