المشاركات

عرض المشاركات من نوفمبر, 2013

حكم العسكر

لما قتلوا الشباب و جروا جثثهم حتى مقلب القمامة قبل احداث محمد محمود 2011 كانوا قاصدين يتصوروا اثناء الجريمة
و لما سحلوا البنت و عروها في الشارع امام الكاميرات - احتمال - انهم كانوا قاصدين يتصوروا
و لما قتلوا شباب الالتراس في مدرجات ستاد بورسعيد كانوا قاصدين يشيعوا الفزع و يشتهروا بالاجرام
و لما حكموا على بنات البلالين و شارة رابعة باحكام "عبيطة" هما قاصدين يوصلوا لينا احساس معين و يجرونا لموقف معين
العسكر مجرمين و سفلة و قاصدين يعرفونا انهم مجرمين و سفلة
و هدفهم غالبا انهم يصنفونا اول باول و يقسمونا الى جدعان و مخنثين
الجدعان يتم جرهم للاشتباك غير المتكافئ و المخنثين يكملوا اللعبة لاخرها
يسقط يسقط حكم العسكر

ملحمة الحرافيش - نجيب محفوظ الفتوة و البطل و الناس العاديين "الحرافيش"

صورة
انتهيت اخيرا من قراءة رواية ‫#‏ملحمة_الحرافيش‬ لـ ‫#‏نجيب_محفوظ‬

الرواية لا تنتمي لادب نجيب محفوظ الواقعي (الثلاثية - زقاق المدق - الخ ... )
الرواية رمزية طويلة بعض رموز الرواية فككها نجيب محفوظ نفسه اثناء سرد الاحداث او على لسان ابطالها و بعضها متروك لتعدد افهام القراء و هواهم
احتشدت الرواية بكم ضخم من الاحداث و الابطال و الازمنة و تتابع الاجيال
اسم الرواية ذاته لا يفهم دلالته الا مع اخر سطر بها
رأيت في ملحمة الحرافيش اشارات لكافة تناقضات مجتمع الحارة المصرية و المجتمع الانساني ككل و تناقضات و تقلبات النفوس البشرية
و رأيت في ملحمة الحرافيش نجاحات و نكبات الفتوة العادل و العدل الخالد في الاحلام رغم قصر عمره في الواقع و نقاط قوة و مكامن ضعف ثورات الحرافيش
في الحرافيش يسقط نموذج البطل المخلص الذي ظل مسيطرا على احلام الحرفيش جيل ورا جيل و تظهر فكرة عصابة تأخذ الفتونة من عصابة ثم ثورة الحرافيش الناقصة التي سلمت نفسها لقائد فجر ثورة اعظم من قدرته على قيادتها او حراستها و لكن هذا الفتوة رغم انفه اسمه "فتحي الباب" و هو من فتح الباب بعد ذلك لحلم الثورة الاكثر اكتمالا ح…

فلم يبهت الذي جهل

نصحوه : عقارب الساعة لا تعود الى الوراء
تحدى : استطيع اعادة تاريخ الموبايل عدة سنوات
قلنا : ربي يأتي بالشمس من المشرق فأت بها من المغرب
"فلم يبهت الذي جهل"
تحدى : استطيع ان اجمع ملايين الشهود على سطوع الشمس في منتصف الليل و ان احشد المتخففين من ملابسهم اثناء سقوط الجليد
قلت في نفسي : من لا يحتاج الى دليل .. الإلتهاب الرئوي سيفنيه

استهلاك ادوات الثورة

ما معنى استهلاك ادوات الثورة :
هو ان تستخدم اداه ثورية جيدة في ذاتها بطريقة غبية و بافراط حتى يمل منها الناس و يصبح الثوري هو اول المطالبين بالغائها
مثال : الكتابة و رسم الجرافيتي على الحوائط
فمقابل كل لوحة فنية تستحق الوقوف و الاحترام امامها و تسابق الجمهور لتصويرها و الثناء على صاحب فكرتها تجد الف تشويه لالف جدار
و ربما التشويه يكون من جهة اجهزة الدولة ذاتها
ثم يخرج قانون لتجريم الكتابة الرسم على الحائط فيتعاطف المجتمع مع القانون رغم جنون مشرعه و استحالة تنفيذه
و ما انطبق على الكتابة على الحوائط حدث مع التظاهر و مع تعطيل الطرق و مع الاعتصامات و مع كل ادوات الثورة التي استخدمت بغباء من حسني النية او بمكر من اعداء الثورة و لكن النتيجة واحدة
فلا فرق مهم بين ان تكون الدبة قد قتلت صاحبها او ان عدوه قتله

لو الفلول تثقفوا سياسيا لتمنوا نجاح الثورة و تحقيقها لاهدافها

طيب تعالى نحسبها
نفسك في ايه يا عم الفلولي ؟ "عايزين نرجع زي الاول و احسن"
ترضى يا عم الفلولي ان يجي واحد لسه متعلم النفاق اول امبارح و حرامي اقل منك خبرة و دافع رشوة اقل منك و بلطجيته طريين يجي المجمع الانتخابي بتاع الحزب اللي كان ماسكه احمد عز ينزله قبل منك في قايمة الحزب و يدخل المجلس و انت لأ علشان شكله في الصورة عجب جمال بيه و انت صورتك لا مؤاخذة معجبتهوش؟
طيب عرفت تسترد رشوتك ؟ لأ
طيب ترضاها لنفسك يا عم انك تدفع الشئ الفلاني لكمال بيه علشان تبقى مرشح الحزب و فعلا تبقى انت مرشح الحزب و يجي فلولي تاني يدفع لظابط المباحث يقوم يزوره صناديق الدايرة كلها و انت المرشح الرسمي للحزب ميتزورش ليك و لا صندوق و فلوسك تضيع على الارض ؟
طيب ترضاها لنفسك انك تبقى انت اللي مجمع البلطجية و العيال اللبش و مشغلهم و عامل احلى تاييد للحكومة و في الاخر يجي واد هسهس فسفس كده بيرطن لغات و يقولك "فكر جديد"
طيب انت مالي ايدك من الجدع السيسي ده ؟ مش يمكن يبيعك و يقول تعالوا نطهر البلد من الحرامية القدام و ينزل بطقم حرامية جديد نوفي ؟
-ميقدرش اصلنا وقفنا معاه وقفة جامدة…

التسميات

عرض المزيد