المشاركات

عرض المشاركات من أغسطس, ٢٠١٧

انا مع اللي عايزين يبنوها من جديد تحت القصف و مش على نضافة

انا مختلف مع اللي عايزين يصلحوها لاني متاكد انها مش نافعة "اقسم بالله ما هاتطلع قماش" و مختلف مع اللي شاغلين بالهم بهدها لانها مهدودة و هايلبسوا تهمة الزقلة الاخيرة و كانها كانت الزقلة النووية الساحقة الماحقة الحاسمة المتممة و لان الهيكل الموجود اصلا مش هو العائق الاساسي لاي شئ بالعكس ده هو الضامن الوحيد ان الدور ما ينتهيش صفر صفر في حين ان الصفر بالنسبة لك يساوي صفر في حين انه بالنسبة للطرف الاخر مجرد مشروع و فشل و ممكن يعوض في غيره في مكان و زمان اخر انا مع اللي عايزين يبنوها من جديد وهما عارفين ان البنا على نضافة ده خيال غير علمي و ان مثل هذه الاشياء لا تبنى الا تحت القصف او التهديد الدائم بالقصف اللي فاهم كده يبقى فاهم الصراع و اللي مش فاهم كده يبقى ده البرئ النقي اللي بنفخر و نعتز بيه و اللي فهم البوست فهمه لكن انا مش ناوي اوضحه

ربما الديناصورات رفضت التكيف لأنها رأت ان هذا العالم لا يليق الا بالسحالي

ربما الديناصورات رفضت التكيف لأنها رأت ان هذا العالم لا يليق الا بالسحالي

التاريخ: انا اكرر نفسي براحتي ماحبش حد يكررني

صورة
التاريخ يعيد و يكرر نفسه باستظراف .. هو حر 😌 لكن لو انت قراته حتى ولو بقصد تكراره فانه لا يتكرر ابدا ابدا 😌 😌 انا اكرر نفسي براحتي ماحبش حد يكررني 😌

"زهقنا بقى من التنظير يلا نرمي نفسنا تحت الجنزير"

واضح كده اننا في زمن كل شئ فيه مركب و لكنه قابل للفك واعادة التركيب الفكرة ان حتى الكورة الشراب لو عملوها احتراف مش هواية ساعتها اللاعب سيحتاج تدريب مكثف و رفع لياقة و طاقم فني دارس مش مجرد اكبر المشجعين سنا او اقواهم حنجرة التغيير محتاج مليونية ناس بتقرأ وتدرس وتحلل مش مليونية "زهقنا بقى من التنظير يلا نرمي نفسنا تحت الجنزير" بصراحة شديدة ومستفزة ومؤلمة اغلب الناس عندنا بما فيهم انا مواجهة الموت عندهم اسهل من انهم يقضوا سنتين تلاتة يقروا و يبحثوا و يدرسوا كل ما كتب بشأن التغيير الاجتماعي والاقتصادي و السياسي و الفكري و ده معناه اننا انتحاريين و مغامرين اكتر ما احنا جدعان او فدائيين #المواجهة_حلوة_مفيش_كلام

ماضي منتدى فتكات ومستقبل جروب جت في السوستة

صورة
رغم ان المنتديات الالكترونية اقدم من فكرة مواقع التواصل الاجتماعي و على رأسها فيس بوك الا انني لازلت على قناعتي ان المنتديات ستعود الى مجدها القديم في احتواء المستخدم العربي مرة اخرى بعد ان تراجعت لصالح الفيس بوك التعبير الادق ليس ان المنتديات تراجعت لكنها انتهت تماما باستثناء المنتديات النسائية و على رأسها منتدى فتكات لماذا انتهت المنتديات العربية؟ انتهت المنتديات لعدة اسباب  مجموعة اسباب تتعلق بصدمة المتصفح العربي في عدم وثوقية معلومات المنتديات حيث كان طلاب الجامعات و الثانوي و ربما حتى طلاب الدراسات العليا اذا طلب منهم اجراء بحث على النت فانهم كانوا بكل براءة وسذاجة المستخدم الجديد الذي القوه في البحر معتمدين على انه سيتعلم السباحة وحده يتلقى معلوماته من الصفحات التي تظهر في جوجل اولا و كانت وقتها غالبا معلومات منتديات لا تتمتع باي موثوقية و كان هذا يؤدي الى ان يصبح الطالب الذي اتى بمعلوماته من منتدى مثار للسخرية من زملائه و اساتذته فكان هذا اول سبب ادى لكراهية المستخدمين العرب الاوائل للمنتديات و مع الوقت اعطى جوجل ميزة البحث مع تخطي المنتديات ثم اصبح محرك البحث جوجل يظهر المن

انا مكلف اذن انا مختص

انا مكلف اذن انا مختص هل ممكن تفتي في الطب و انت مش دكتور؟ لو مكلف بممارسة الطب يبقى من حقي افتي في حدود صلاحياتي المهنية ازاي تجادل في الدين و انت مش معاك رخصة؟ طالما انا مكلف بتلقي الرسالة و الايمان بيها ابقى مؤهل لقبولها و او رفضها او البحث في مدى صدقها و فهم الية تطبيقها و حتة اني استعين بصديق دي شئ يرجع لي انا استعين بمن اثق به او اعتمد على نفسي انا حر انا المسئول ومفيش حد هايشيل شيلتي بدالي دنيا او اخرة طالما رسالة الاسلام مستهدفاني و ليست موجهة لولي امري يبقى من حقي بل واجبي اقراها و اشوف فيها ايه و انا المحاسب على القبول او الرفض و انا المتحمل لتبعات التنفيذ من عدمه و متحمل تبعات الفهم الجيد للرسالة او الفهم الردئ او الاهمال  انا صاحب الشيلة  الوسطاء يمتنعون خلوا بيني و بين ربي

اتمنى ان يؤذن لهم بالخروج من جهنم فينتظرون ختم مدام عفاف اللي في الرابع بعد ما ترجع من صلاة الظهر

اتمنى ان يؤذن لهم بالخروج من جهنم فينتظرون ختم مدام عفاف اللي في الرابع بعد ما ترجع من صلاة الظهر

جوهرة في بطن سمكة

صورة
نام وهو متضايق ومكتئب وحزين حلم بإنه لقى جوهرة في بطن سمكة قفش في ام الحلم اشترى سمك لغاية ما خلص كل ما تبقى من فلوسه واضطر يشتغل في محل سمك و ينضف كل السمك بجدية و اجتهاد مذهل , عرف ان سمك المزارع والسمك الصغير مستحيل بطنه تحوي جوهرة اشتغل في محلات للاسماك البحرية الغالية اشتغل على نفسه ودرس تشريح السمك ليسهل عليه الوصول للمناطق اللي ممكن الجوهرة تستقر فيها داخل جسم السمكة و من خلال الصدفة اللي مش بتيجي غير للمجتهدين اكتشف عصابة لتهريب المخدرات في بطن السمك الكبير فعرضوا عليه يشتغل معاهم فرفض اعجبوا بيه وبشرفه وشهامته وقفشته في حلمه فزعيم العصابة جوزه بنته وفتح له اكبر سلسلة محلات اسماك في المنطقة #اقفش_على_حلمك #اشتغل_على_نفسك #تجديد_الخطاب_الحواديتي

اي ايدلوجي في بلدنا عايز يفرض علينا اللي في دماغه ويائس تماما من محاولة اقناعانا

الاصولي و العلماني واي ايدلوجي في بلدنا عايز يفرض علينا اللي في دماغه ويائس تماما من محاولة اقناعانا لاننا جاهليين "عند الاسلاميين" و "ذكوري متعفن" عند النسويين لاكون صادق مع نفسي انا واحد من الناس شايف اننا شعب متخلف "وصف مش شتيمة واستعلاء" و شايف ان التخلف بيتعالج بتصحيح القناعات والافكار مش بفرض القوانين من اعلى من قبل شبه دولة لا تملك قدرة ولا ادوات التنفيذ اساسا

الخصخصة في مصر ليس معناها تحسين الخدمة لكن معناها شبكة فودافون وسيستم TE DATA

صورة
الخصخصة في بلدنا مش معناها تحسين الخدمة الخصخصة معناها فودافون و تي اي داتا و موظفين لابسين شيك عشان يتهزأوا بدل شركتهم وشايف نفسك في انه مصيبة بعد خمس سنين ومبروك كسبت معانا مليون جنيه بس ايدك على تلاتة جنيه وربع والقطر بتاعنا النهارده يا افندم بيقدم لك عرض انك تروح القاهرة واقف بنفس تذكرة طنطا قاعد ومش بس كده احنا معانا كمان ميزة التسطيح الهوائي للشباب اللي غاوي المغامرة ومعلش يا فندم انت كنت حاجز معانا محطة القاهرة لكن احنا اكتشفنا ان حصل صدفة سعيدة في السيستم وكسبت معانا رحلة لبورسعيد خصخصة بدون ليبرالية هاتطلع ناتج شبه الاشتراكية بدون اشتراكية

حب مصر ضار جدا بالصحة

و الله ما في فرق بين حب هذا الوطن وادمان المخدرات كلاهما ادمان مرضي مضر بالصحة وغير مفيد باي شكل من الاشكال غير ان حب وطن مثل مصر اشد ضرر من المخدرات من ثلاث وجوه الوجه الاول انه ادمان يتخذ شكل القداسة والمخدرات لا يقدسها مدمنها مما قد يسهل له الشفاء منها الوجه الثاني ان مدمن المخدرات اذا شفي فرح بشفائه لكن من يفارق هذا البلد يفقد لذة نجاحه خارجه ويظل يشقى بالفراق والابتعاد الوجه الثالث ان للمخدر لذة عند الاقتراب لذة لحظية لكن هذا الوطن الاقتراب منه شقاء لا يقل عن شقاء الابتعاد عنه ان لم يكن يزيد اللهم اشفي مرضانا

اهانة الاخرين بتثبتهم على قناعتهم

لو مش قادر احترم الرأي الاخر ممكن اظهر له احترام عشان السلام الاجتماعي وضمان نجاح العصف الذهني الذي نمارسه يوميا "الهري" وعشان العقل يغلب العند وياسلام بقى لو نناقش المواضيع بجدية ونتناولها من جوانب متعددة و نحاول نفكنا بقى من جو بني اسلام وبني علمان بحاول افكر نفسي دائما ان اهانة الاخرين بتثبتهم على قناعتهم حتى لو كانت اهانة عامة غير موجهة لشخص بعينه

السلطة مفسدة

السلطة مفسدة لاي انسان مهما كان صالح بطبيعته لذلك ينبغي للسلطة ان تؤقت و تقيد لان العيب فيها بذاتها اكثر من عيب الاشخاص

انا مش فارق معايا خالص

انا مش فارق معايا خالص انك تختلف معايا في الرأي او حتى في العقيدة انا جنتل قوي و ماتفرقش معايا الحجات دي بس انا ممكن اتلككلك على اي غلطة واطلع القديم والجديد والظاهر والمستخبي

كل من هب و دب و اهل الاختصاص

انا شايف ان كل من هب و دب من حقه يتكلم في كل شئ و يهري في اي شئ دون وصاية من اهل الاختصاص و ان اهل الاختصاص تخصصوا ليكونوا اكثر كفاءة فيما اختصوا فيه لينفعوا انفسهم و من وثق في اختصاصهم و ان اختصاصهم لا يعطيهم حق تحديد من يتكلم و من يصمت

سيبكم بقى من نظرية اننا لازم نصدم المجتمع علشان يفوق

اطراف التفاوض الشطار يؤجلون النقاط الشائكة الى اخر التفاوض حتى لا تنسف عملية التفاوض من قبل ان تبدأ و حتى و لو كانت النقاط الشائكة مهمة و لها اولوية احيانا نحن في مصر لدينا هم ما يتلم من القضايا الملحة و العاجلة و الخطيرة و تعتبر ليست قضايا شائكة و النقاش حولها مايجبش تكفير و لا تخوين ارى ان تلك القضايا هي الاولى بالرعاية و بناء جسور الثقة من خلالها و سيبكم بقى من نظرية اننا لازم نصدم المجتمع علشان يفوق لان عمرها ما نفعت معانا بل على العكس تماما اللي اتعود يصدم المجتمع بيتحول لدى الناس الى كيان مضاد لا يسمع منه و لا يفكر احد في كلامه و تتكون ضده مضادات و تفرز تجاهه كل المناعات

لماذا لن يعود تنظيم الاخوان المسلمين مرة اخرى؟

صورة
تكرار وقائع تاريخ الاخوان المسلمين بلا اي تغيير او استفادة من التجربة رسب عند بعض المتابعين قناعة ان للاخوان دورة حياه تبدأ من حيث تنتهي و تنتهي من حيث تبدأ وانا اوافقهم في الرأي من حيث المبدأ لكنني ارى ان في هذه المرة ان دورة حياة تنظيم الاخوان قد انتهت او على وشك الانتهاء وانها لن تبدأ مرة اخرى لوجود عوامل غيرت المناخ والبيئة الصالحة لنمو وانتشار تنظيم الاخوان او اي تنظيم مشابه - ثورة الاتصالات: على الرغم من ان ثورة الاتصالات عجلت بتفاعلات الاسلاميين عموما و ساعدتهم في الوصول بخطابهم الى فئات و بيئات ما كانوا يحلمون بالوصول اليها الا انها كانت بمثابة الطعم و الفخ الذي اغرى الفريسة ثم انقض عليها لانها فتحت المجال لهم و لغيرهم لانهم كانوا الاكثر استعدادا فكانوا الاسرع استخداما و توظيفا لكن مع الوقت تقاربت المسافات وبدأ منافسيهم و خصومهم في التفوق عليهم انتشارا وعمقا وتاثيرا وحتى في الجولة الاولى من جولات ثورة الاتصالات في عالمنا العربي وهي الجولة التي شهدت التفوق الاحتكاري للاسلاميين كان التفوق فيها للخطباء على التنظيميين وتغلبت الادبيات على اللوائح و الاطر التنظيمية وتغلب السلفي

القاتل المتعمد مجرم والمتاجر بالدم حيوان

حكي لي صديقي ان زميل عمل توفي له طفلين في حادثتين منفصلتين الطفل الاول مات في حادث سيارة فقبض الاب تعويض مالي جاب بيه حشيش الطفل الثاني مات بسبب حادث منزلي فكان الاب الحيوان حزين على الولد التاني و يندب حظه قائلا مش كان مات قدام عربية زي اخوه كنا اخدنا فيه مصلحة لم يتحمل صديقي ما سمع فاخذ يصرخ في زميله : انت حيوان انت حيوان القاتل المتعمد مجرم و المتاجر بالدم حيواااااااااااااااااااان

خد بالاسباب ويبقى اسمك عملت اللي عليك

صورة
اغلب اللي يقولك "خد بالاسباب" لو حللت جوهر كلامه تلاقي معناه اعمل نفسك بتاخد بالاسباب قدم بس ورقك ويبقى اسمك عملت اللي عليك الكلية دي لا نؤهل لسوق العمل ذاكر بس انت و خد شهادتك و خد بالاسباب ازاي بس اتجوز و مش معايا فلوس كفاية ما تحسبهاش بالورقة و القلم توكل على الله و خد بالاسباب و اديك بتشتغل اهه انت يعني هتقطع نفسك خد بالاسباب و ربنا هايوفقك روح اليونان بورق مضروب او من غير ورق و خد بالاسباب  حد برضه يسيب بلده و يهاجر في قارب ما كنت عملت اللي عليك و دورت على شغل و خدت بالاسباب  كنت اخدت بالاسباب و حاولت تدرس الماني علشان تسافر كندا رغم ان كندا مش عاوزة الماني بس يبقى اسمك اخدت بالاسباب دور على محفظتك في النور رغم انك عارف انها وقعت في الضلمة لكن لما ربنا يشوفك و انت تعبان من التدوير يا حبة عيني هايبعت لك بدالها فلوس اكتر من اللي ضاعات منك يلا ربنا يولي من يصلح الف الف مبروك و ربنا يتمم بخير

الحقيقة شئ وادراكنا لها شئ اخر

صورة
الحقيقة شئ وادراكنا لها شئ اخر

طز فيا

صورة
هما حاجتين مش شايف في المشهد غيرهم الشاب اللي نزل سلم محطة دمنهور قفز علشان يلحق يتحشر في القطر و كان بدا ياخد سرعته و ان حياة الانسان بقت رخيصة قوي حتى على الضحايا وعلى كل مصري رخص الحياه في مصر برنامج متكامل و منهج وسوفت وير بينزل تدريجيا على دماغ المصري من وهو جنين واظنه اشد تعقيدا مما نتصور اهه كلمتين بنفك بيهم عن نفسنا متشغلوش بالكم بيهم طز فيا و فيك طز فينا جميعا --------- احنا كافراد مجتمع عندنا قناعة راسخة ان الناس مش ممكن تعيش الحياه صح الا اذا زهدت فيها و بدل الزهد في الحياه ما يولد طاقة الخير وفق قناعتنا الراسخة تحول الزهد الى بئر ترخيص للانسان و ذلك وفق قناعتي الراسخة ايضا ان الدروشة والفهلوة وجهان لعملة واحدة "عملة عدم الاقتناع بأن في الدنيا اسباب يترتب عليها نتائج" انا لا اعفي اجهزة الدولة و لا الحكومة و لا الرئيس من المسئولية ولا اخففها عنهم بالعكس انا رميت طوبتهم و اعتبرتهم كائنات طفيلية معادية تتغذى على موتنا والشريف فيهم كائن محايد لا يقتلني و لا ينفعني وبالتالي اصبح من العبث في نظري ان احمل العدو مسئولية حمايتي

الجنرال ممكن ينسى كلابه عادي

صورة
تعليقي على رواية ابراهيم نصر الله "عو .. الجنرال لا ينسى كلابه" قصة النجم "احمد الصافي" اذا هوى بينما بريقه لازال يسطع في السماء و يهدي من يلتمس طريق الهداية "سعد" حيث كان القارئ اوعى و اقوى من الكاتب  القارئ المغمور هو البطل الذي صمد و اكمل طريقه بعد ان انطفأ نجمه فبحث عن نجم جديد و تلمسه في نجم  قد خرج من جاذبية الارض و صعد الى مكانته في السماء و نجا من حيل الجنرالات "غسان كنفاني"  الكاتب مجرد كاشف للقضية و ليس هو صانعها و لا بطلها و وارد جدا ان يتخلى عنها او يتاجر بها  هذا هو البعد الاجمل في الرواية من وجهة نظري اما باقي الوجوه فتقليدية او ربما كانت غير تقليدية في عام 1990 زمن نشر الرواية

رخامتنا اقوى من الرصاص

مشكلة الناس دي انهم مش مؤهلين ان يبقى عندهم قدرة يصدقوا ان الشعب عمل ضد خطابهم ده ثورة ثورة ثورة يعني مش مجرد اختلاف في وجهات النظر و لا اسمع تاني جايز الكلام يعجبك يمكن السلفيين على غباءهم فهموا و اختفوا و خنثوا في جحورهم لكن الباقيين مش قادرين يفهموا يا عم الحاج انت وقفت قدام القطر و من لطف ربنا ان هوا القطر نطرك بعيد من سكته و دي صدفة مش بتحصل غير مرة في المليون حاول بقى تاخد جنب و متقعدش تقول رخامتي اقوى من القطارات

صورة الشروق دمنهور

صورة
صورة الشروق دمنهور من تصويري المتواضع من موبايلي المتواضع

هل تفشل في التعبير عن نفسك و تفضل الصمت؟

هل يحدث احيانا ان يكون لك وجهة نظر وتعجز عن صياغتها والتعبير عنها؟ او عبرت عنها وسببت سوء تفاهم مع من تتحدث معه؟  وهل تشعر بالامتنان لمن فهمك صح بصرف النظر عن تعبيرك الغلط؟ هل تتعامل في الغالب مع عموم الناس و مع الاصدقاء مع ما يقولون ام تحاول ان تتعامل مع ما يقصدون؟ هل التعامل مع ما يقصد الناس قد يسبب سوء تفاهم أكبر اذا أسأت تفسير قصدهم؟ او اذا فهمت قصدهم زيادة عن اللزوم و شعروا بتعريهم التام امامك؟

طبيب الفلاسفة vs مرسي

انا عايز انتهز فرصة ان هرينا وقلشنا ونبض قلوبنا بيوصل و اوصل صوتي لطبيب الفلاسفة واقترح عليه انه يعمل صفقة مع الاخوان انه يطلعهم و يطلع كل المعتقلين بشرط ان مرسي يترشح قصاده و ينزل 7او8 مرشحين مرتضى منصوريين كمان لزوم العرس الصندوقراطي و ينجح طيب الفلاسفة في عملية نظيفة نزيهة رسمي نظمي غالي

رحلة الى مركز الحلزونة السوداء

اللي بيمسك في فكرة واحدة ويفضل يلف ويدور حولها بيبقى عامل زي قناة بتذيع اغنية واحدة مهما الناس اعجبوا بيها في الاول لكن مستحيل تحتفظ بجمهورها لمدة طويلة او حتى متوسطة لازم تجدد نفسك يعني ممكن تذيع الاغنية وتلتقي بجمهور الاغنية وتستعرض اراء محبي الاغنية في الاغنية والردود المفحمة على راي نقاد نفس الاغنية واستعراض التاريخ الاجرامي الاسود لامهات واباء الناس اللي مش مواظبين على سماع الاغنية #اغاني_اخر_الزمان #الاغنية_راجعة #النقاد_يترنحون

التسميات

عرض المزيد