السيستم واقع

مين ده الي كاره دنيتك وبيشتهي موتك؟ مين ده الي موته في كلمتك وحياته فى سكوتك؟ مين؟

استمعت لحلقات فاضل الربيعي على قناة الغد "يوتيوب" في البداية ظننته مجرد عبعاطي جديد او بسام جرار لكن وجدته يقدم رواية متماسكة للتاريخ العبري العربي في انتظار ان اجد ردود علمية عليه من مؤرخين عرب او يهود تثبت او تفند روايته اهم ما التفت اليه في رواية فاضل الربيعي محاولة اثباته ان تاريخ اليهود الحقيقي والاسطوري لم يكن بين مصر والشام ولكن في اليمن وان لفظ "مصريم" التوراتي مقصود به منطقة بهذا الاسم في اليمن لاتزال موجودة وكان لفظ فرعون او برعون لقب متداول لحكامها المحليين كما ان بعضهم ادعى الالوهية في حين ان حكام مصر لم يثبت استخدامهم للقب فرعون او ان احدهم ادعى الالوهية كما قال ان اسماء المعالم الجغرافية والحضرية الموجودة في التوراة اغلبها لايزال موجود في اليمن بنفس الاسم الى اليوم كما قال بوجود نقوش عبرانية وادلة اركولوجية على تواجد اليهود والعبرانيين في اليمن من ضمن قبائل وتجمعات حضارية متعددة في حين لم توجد اي ادلة اركولوجية لتواجد عبراني او يهودي في الشام او مصر او سيناء كما فرق بين اليهود والعبرانيين والاسرائيليين وقال ان خلط الصهاينة بين المصطلحات الثلاث هو اك

الفئات بل والافراد في مصر خذلوا بعض وناويين يستمروا في خذلان بعض "ملاك ومستاجرين تيارات سياسية فئات اجتماعية تجار المحلات والباعة الجائلين التاكسي والملاكي بورسعيد والتراس نزلة السمان وكبائن المنتزه موظفين وشباب عاطلين سينا والنوبة مسيحيين وسلفيين علمانيين وازهريين كله كله خذل بعضه وفرحان في بعضه" واللي بيتحمق عشان حد الناس بتفكره عبيط واول حد بيقولك خليك في نفسك اللي انت اتحمقت عشانه بعد ما يسوي ويخلص وربما قبل ما يسوي ويخلص وبما اني عارف ان الدور عليا في الافتراس في يوم ما وعارف انك اخي الضحية السابقة او اللاحقة محضر خذلاني من دلوقتي فطبيعي اني اوفر طاقتي للحظة وقعتي اللي ماحدش هايقف حنبي فيها وبهذا المنطق سيظل قفاك وياقة قميصك وحزام بنطلونك هي خطوط دفاعي ودفاعك الاولى والاخيرة وطالما لم يصبهم الدور فليذهب الجميع الى الجحيم الخروج من الحالة دي مش عايزة لا عنترية ولا مثالية ولا شعارات الخروج من الحالة دي عايز اتفاق عام اننا يا نتفق نعيش كلنا يا نقبل نندبح بالدور او بالمزاج او بالصدفة لكن جو التسابق على الاستحواذ المقاعد الوثيرة في مركب غرقان بلا قوارب انقاذ فده جو هبل وعبط

احنا عملنا بروفة ثورة ممتازة "نموذج محاكاه" لكن الثورة المضادة اتعاملت معاهها كانها بجد وطلعت كل اللي في الجراب اتعلمنا كتير كتير جدا صحيح ثوار كتير ندموا على مشاركتهم في البروفة لكن الاهم والاخطر ان كل من وقفوا في سكة البروفة كلهم يعني جميعهم ندموا خاصة ان البروفة كانت مجرد بروفة وكانت مدياهم فرصة لتوفيق الاوضاع وده اكبر درس اتشرح في البروفة اتعلمناه او لم نتعلمه ان اللي بيدي التعبان فرصة تانية واللي مش تعبان بس بيحترمهم واللي كان مضطر يجامل التعابين واللي مكانش فاهم ان التعابين بتقرص ما ينفعش يشارك في العرض الا كمشاهد بتذكرة يعمل like وshare مش مسموح له يعمل subscribe

س: لو تم فتح المساجد والكنائس لمبيت المشردين بلا مأوى ايه اللي ممكن يحصل؟  ع: هاتتحول لملاجئ ودوشة وهاتفقد رونقها وروحانياتها والمصلين اللي مش فقراء هايزهقوا ويصلوا في بيوتهم وينصرفوا عن دور العبادة س: وايه المشكلة في كده؟ ع: ناقص تقولي ناوي المشردين في بيوتنا مع عيالنا س:مش ده الكلام اللي بيتقال في الجامع عن المهاجرين والانصار واهل الصفة وغيرها من القصص اللي بنعيط عليها ع: يا سيدي دي قصص نعيط عليها اه لكن نطبقها ونقرف نفسنا بيها لاء .. مشردين ايه اللي ندخلهم بيوتنا انت عبيط؟! س:يعني الكلام اللي بيتقال في الجامع والكنيسة مش واقعي وغير قابل للتطبيق؟ يا سيدي لو قلبك واجعك قوي روح طبقه على نفسك وفي بيتك س:ما انا مش بطبقه على نفسي وبيتي لانه شايفه مش واقعي وانا ماقدرش اعمله ع: الدين مش واقعي؟! اديك اعترفت انك كافر

"كنت لسه صغير مش فاهم حاجة كان عندي 60 سنة" جملة سمعتها من مسن تسعيني ولازالت ترن في اذني وتثير دهشتي باتخيل لو الطب اتقدم وصار متوسط اعمار الناس فوق الـ200 سنة ونلاقي واحد احفاده بقوا اجداد وعمره تجاوز ال100 سنة ويجيله واحد اسن منه يقوله يا حبيبي انت لسه متهور وفيك حماس الشباب

الاولاد اللي كانوا تالتة اعدادي واولى ثانوي سنة 2013 والاخوان دفعوا بيهم بكل حقارة وقصر نظر الى ارتكاب عنف في مظاهرات ما بعد رابعة "زي حرق عربيات شرطة او القاء مولوتوف او تنزيل فيديوهات تهديد لاسر ضباط الشرطة على اليوتيوب وهم ملثمين تقليد لحركات المقاومة او الارهاب الشهيرة" هؤلاء القصر تم التنكيل بهم بعنف مفرط من قبل الداخلية وعلى حس كل قاصر اشترك في العنف تم القبض على خمسة ستة عشوائيا او من جواره وصداقاته العيال دي دلوقتي بقت اخطر مما يتصوره عقل واصبحوا يسلكون سلوك الارهابيين حتى في حياتهم الاجتماعية والعائلية (حكي لي عن احدهم انه لما جده المسن المريض منذ اعوام توفى وفاة طبيعية وغير مفاجئة الولد هاج وضرب عمه وزوجة عمه واخو جده ضرب مبرح تقريبا كان يظن انهم قتلوه او حاجة كده) وسمعت عن قصص اخرى عن غيرهم من بعض من سافروا الى السودان وتركيا او لازال اسمه مدرجا في شماعة الداخلية كل ما يتزنقوا في مصيبة يجيبوه احنا عندنا دلوقتي اعداد من الشباب في سن من 18 الى 22 سنة تقريبا تم تخريب مخهم من قبل الاخوان ومناديب داعش في السجون وتم تعذيبهم من قبل الداخلية وتم الاعتداء على بعضهم جنسيا

لو بتشجع الصوفية عندا في الاخوان فاعلم ان الاخوان بشريحتين وعندهم الشريحة الصوفية بتشتغل اكفأ من السلفية "شريحة المؤسس" لو بتشجعها للتخفيف من اصولية السلفية فخلي بالك ان اللي شبهك شجعوا الاصولية في بدايات القرن الماضي طمعا في تخفيف الدروشة اللي اخرتنا مئات السنين وخلي بالك ان الاصولية لم تعالج الدروشة او توازنها بل على العكس لقد تزاوجا واخرجا لنا اصولية متدروشة انما ايه عنب انا عارف ان فكرة موازنة المتعصبين بالمتخلفين ونطلع من بينهما سالمين عارف انها فكرة مغرية وخاصة اننا مش غاويين وجع دماغ واهم يحاربوا بعض نيابة عننا لكنها فكرة غير مجدية عمليا الانفتاح الفكري للمجتمع على كل الافكار بيكسبه مناعة لكن محاربة الطاعون بالسل مصيبة سودة جربناها وفشلت

* نحن لم نهزم بل انتصرنا في جولتين ولكننا نشعر بالهزيمة لاننا كنا نتخيل ان المعركة جولة واحدة فلما كسبنا الجولة الاولى وكنا نظنها خط النهاية شعرنا بخيبة الامل ثم فزنا في الجولة الثانية التي كانت اشد ايلاما واكثر اهمية ولكننا لم نفرح بها لانها كانت بوابة لجولة ثالثة لم ننتهي منها بعد رغم انها ليست الاصعب ولكن لان الالم والانهاك الذي اصابنا في جولتين من جهة و من جهة ثانية  عدم فهمنا لطبيعة معارك الحياه الممتدة بطول الحياه  ومن جهة ثالثة شعورنا بخيبة الامل ولسان الحسرة يقول "اذا كان كل هذا الالم هو حاصل ونتيجة جولتين انتصرنا فيهما فما هو طعم الهزيمة اذن؟" - لنفترض اننا انتصرنا في الثالثة فمن يضمن لنا انها الاخيرة؟   *   لماذا تحلمون بنهاية المعركة؟ - تقصد اننا سنعيش في كبد الى الابد؟ متى الاستقرار اذن؟ *  لنا في الموت والعدم والغياب استقرار طويل - لكن الحياه بهذا الشكل مزعجة جدا  *  ربما مع الوقت سنعتادها كما هي وسنخوض معاركنا العامة الى جوار معاركنا اليومية باعتياد وتوازن - وهل كنا ميتين قبل ذلك؟   *  كنا نعيش موت العبيد -وهل نحن الآن احرار "اسم الله علينا وعلى خيبت