السيستم واقع

لو كان عمرو خالد مات او قتل سنة 2004 كان زمانه بقى الامام الشهيد عمرو خالد الامام الشهيد عمرو خالد يعلم الامة كيف تقتلع المسامير من طريقها و كان زمان جماعة صناع الحياه ينافسون حازمون على مواقع اتحاد الطلاب و كان زماننا دلوقتي بندرس فقه "كيف تكون مؤهلا لتتلقى message من الله" و الفرق بين النبوة و الرسالة و الـmessage و الفرق بين صناعة الحياه و بين زراعتها و اثر زراعة الاسطح على نهضة الفرد و المجتمع لكن الحمد لله ان ربنا طبطب علينا و ابقا عمرو خالد و امد في اجله ليكون شهيدا على موته لذلك انا دائما اتمنى ان لا يموت المزيفون حتى يموتوا