اقتراحات لمعالي الباشا الكبير ..... نصرف على صحة الشعب بشرط حق التصرف في قطع غياره

اقتراحات لمعالي الباشا الكبير ..... اسف يا باشا انا كنت بكح ..... انا مقدرش اقترح

---

انا باقترح اقتراح معاليك

انا عارف يا باشا انك و الاسرة بتحتاجوا فلوس كتير لزوم يعني الكفاح علشان مصر
و ان معاليكم مش بيكفيكم الايراد القليل من ثروات مصر
و كمان انا لاحظت ان وشوش المصريين لونها مخطوف سيادتك و صحتهم مش و لابد و مكتئبين سيادتكطبعا يا باشا طز فيهم مش مهم

بس سيادتك في رجال اعمال بيفكروا بطريقة متميزة -اتعلموا من سيادتك يا باشا- بدل ما يربوا الفراخ في اقفاص و يبقى طعمهم مش حلو و وزنهم ضعيف و الطلب عليهم في السوق يقل بدل كده يا باشا بيطلقوهم و يحطوا لهم تكييف و يسيبوا الفراخ تكبر و تجري و تربرب - لا مؤاخذة- و سعرهم في السوق يزيد

احنا ممكن يا باشا نعيش المصريين عيشة لوكس

و نروقهم و نصرف شوية فلوس على البلد

بس بشرط يا باشا

اي مصري يموت او يمرض ناخذ جثته و نقسمها كبد و كلاوي و غدد ليمفاوية و نص ليمفاوية

و نبيع يا باشا و نبقى اكبر مصدر قطع غيار في العالم

بس المشكلة ياباشا ان المصريين على حالتهم دي يا باشا مينفعوش
الغدد بايظة و الكبد تعبانة و الكلاوي فاشلة و عينيهم مش بالمواصفات العالمية و عظمهم في هشاشة سيادتك
حتى الشباب اللي زي الفل كل شوية تيجي فيهم فرة و يموتوا شوية قطر خربان سيادتك شوية حوادث ملهاش لازمة شوية يقعوا في بلاعات او يغرقوا و هما بيحاولوا يهربوا يا باشا لكن لو طبقنا المشروع اللي بقول لمعاليك عليه معاليكم حتكسبوا دهب
و كله علشان مصر يا باشا هو انتم يعني بتاخدوا حاجة لنفسيكم
يعني يا باشا شوية المصريين اللي ممدوح باشا اسماعيل غرقهم اقصد غرقوا منه يعني مش لو كانوا اتباعوا كبد و كلاوي و غدد مش كانوا نفعوا ياباشا بدل ما ياكلهم السمك مش كنت سيادتك اولى بيهم
و بعدين يا باشا هو انا برضه اللي حفهم معاليك

__________________