الفلكة الالكترونية : مد ابنك على رجليه و انت مطمن عليه

منتجنا النهاردة منتج عجيب و جديد من نوعهمنتجنا عبارة عن فلكة الكترونية
لا تتعجب و لا تستغرب
لو تابعت معنا البرنامج للنهاية تقدر تعرف مدى اهمية هذا المنتج في حياتك لو كنت اب او ام
زوج او مربي او مربية
مدرس او مدرسة
منتجنا النهاردة ضروري لكل بيت او مدرسة او مؤسسة تربوية

لكن قبل ما نتكلم عن منتجنا المهم و الضروري لكل بيت
لازم نعطيكم فكرة و مقدمة لتتخيلوا معنا اهمية المنتج

اثبت مركز الابحاث التربوي و هو اكبر مركز ابحاث في استراليا و بالمناسبة مؤسسه عالم عربي مسلم قدر يثبت اهمية سياسة الثواب و العقاب في العملية التعليمية و التربوية
و مش بس كده
هذا الباحث قدر يطبق ابحاثه عمليا و وصل لمرحلة انه اصبح مدير لاكبر سلسلة محلات الشاورمة في استراليا و حقق نجاح مذهل
و لحسن حظكم هو نازل مصر كمان كم يوم ليفيد مصر من علمه و ابحاثه و دوراته

يتدخل شخص اخر في الاعلان مقاطعا :

نرجع تاني لموضوعنا منتجنا اليوم هو منتج جديد و قديم في نفس الوقت
كل العلماء اتفقوا على اهمية العقاب لتقويم سلوك الاطفال
لان سياسة الثواب وحدها ممكن تسبب دلع و تخرج جيل غير قادر على تحمل المسئولية
و العقاب لازم يكون بوسيلة امنة

يتدخل الشخص الاول :

فعلا يا حلمي اهم شئ ان الوسيلة تكون امنة
و منتجنا اليوم هو الفلكة الالكترونية
تقدر تحط فيها ابنك او بنتك و تشغل الفلكة
و في هذه الحالة انت ضامن انه لن يتعرض لاي اذى
لان الفلكة زي ما حضرات السادة المشاهدين شايفين "ياريت تقرب بالكاميرا شوية يا ريس خميس"
الفلكة عبارة عن كشك او خيمة فيها كرسي مريح
يتم تقييد حركة الولد المعاقب حتى لا يتعرض لاي خطر او خبطة تؤذيه

و مش بس كده يا عبود (يتدخل حلمي مقاطعا)

الفلكة كمان فيها قياس للضغط و الحرارة و سرعة ضربات القلب للطفل المعاقب
يعني لو قوة الضرب وصلت لمرحلة فوق تحمل الطفل ممكن الفلكة الالكترونية تقلل قوة الضربة حتى لو انت كنت ظابطها على خطة عقاب قوية
يتدخل الريس خميس مقاطعا
مش بس كده
فلكتنا النهارده مصممة انها ممكن تتوقف تماما عن تكملة خطة العقاب لو لقت ان الطفل او الطفلة في حالة خطر
يلتقط عبود خيط الحديث :
طبعا يا سادة يا مشاهدينا الكرام انتم اكيد بقى عندكم اطمئنان على اولادكم من التعرض للخطر اثناء عملية العقاب
و بكده مش ممكن تضرب ابنك بالوسائل العقابية القديمة
و هذه مجموعة من الصور لاطفال معوقين تسبب العقاب غير المدروس و غير الخاضع لاي مواصفات قياسية تسبب للاسف في عاهات لهؤلاء الاطفال

يتدخل المذيع الاخر
استنى بس بلاش نعرض الصور الان عشان فيه بعض المشاهدين ممكن نفسيتهم تتاثر
خلاص يا جماعه اللى يحب يتفرج على الصور يتصل على الرقم ده
09007778888999 من اي محمول و نرسل له الصور و سعر الدقيقة رمزي جدا

و طبعا لانك يا ست البيت يا مربية و يا ام يا فاضلة لا تريدين ايذاء طفلك
و ايضا عندك رغبة في ان الطفل يكون متربي صح
علشان كده
احنا النهارده بنقدم لك هذا المنتج الجديد والفريد من نوعه

اتصل الان و احصل على فلكة الكترونية و معها مجموعة وسائل تعليمية و دورات تربوية
سعر الشحن ثابت اينما كنت
لو اتصلت الان ستحصل على خصم كبير

تدخل الريس خميس :

لسه العرض لم ينتهي بعد
الفلكة الالكترونية لها مميزات كثير مفيدة و جديدة
الفلكة فيها مواد عازلة للصوت
يعني ممكن تعاقب ابنك او المدرس يعاقب تلاميذه دون اي ازعاج للجيران
مش بس كده
ممكن كمان تدخل فيها مجموعة اطفال او تلاميذ و تظبط الفلكة و تكمل شرح درسك دون تعطيل
بالاضافة ان خاصية منع الصوت و عدم ظهور المعاقب داخل الفلكة
انها افضل وسيلة للعقاب بدون اهانة
و هذا مطلب مهم لكل طلاب الثانوية العامة
مد ابنك على رجليه ..... مد بنتك على رجليها

يتدخل محجوب :
طبعا يا خميس
اولادنا النهاره لازم كلهم يدخلوا كلية الطب
و احنا عارفين ان ده مطلب صعب لان الكلية تحتاج الدرجات النهائية في كل المواد
و ده بيشكل عبء كبير على الطالب و الاسرة و المدرس
و احنا لازم نتستخدم احدث وسائل العصر لتحقيق اعلى نتائج ممكنة
تدخل الريس خميس
طبعا و انا بنتي طالبة في الثانوية و تفضل المدرس الاكثر استخداما للاساليب العلمية الحديثة في العقاب لان مصلحتها و مستقبلها اهم من اي اعتبار ثاني
و كانت تشتكي ان وسائل العقاب التقليدية فيها اهانة و لا تحقق النتائج التعليمية المرجوة
و لانها محجبة فكان ده بيمنعها انها تتعاقب ببعض الوسائل العقابية المفيدة و الضرورية للعملية التعليمية زي الفلكة

رد ماهر :
فلكتنا اليوم حلت المشكلة
فلكتنا اليوم تخدم الولد الحساس و الطالبة المحجبة
الولد الحساس مش لازم يتهان قصاد الناس
و البنت المحجبة لازم تكون مؤدبة
و ده هدفنا الحقيقي من حملتنا لتطوير التربية

يتدخل عبود مسرعا :
فلكتنا النهاردة مش بس مفيدة للاباء و الامهات و المدرسين
فلكتنا النهارده مفيدة لاي انسان عاوز يلزم نفسه بخطة لتطوير مهاراته
انا عن نفسي عندي فلكة علشان اعاقب نفسي على اي تقصير في برنامجي الخاص بالتنمية البشرية

نفكركم مرة تانية
فلكتنا النهاردة عليها تخفيض بمناسبة قرب العام الدراسي
اتصل الان و احصل على الفلكة الالكترونية
و احصل على مجموعة خدماتنا التربوية

نفكركم تانى بالعرض
واحد
الفلكة الالكترونيه المبتكرة
اثنين
مجموعة كتب تربوية عن اثر العقاب بالفلكة فى العملية التعليميه
ثلاثة
مجموعة اسطوانات تعليميه لطريقة تشغيل واستخدام الفلكة الالكترونية
ما تفوتش الفرصه
واتصل الان على الارقام الموجوده على الشاشة

مد ع الرجلين
وداعا لـ الفلكة التقليدية

تعليقات

التسميات

عرض المزيد