امنيات و رسائل في ذكرى نصر اكتوبر

-عيب لما حبك لناصر و كراهيتك للسادات تخليك تبرر و تهون الهزيمة لانها وقعت في عهد حبيبك و تقزم و تهون النصر لانه وقع في عهد رئيس لا يعجبك "ايه الفرق كده بينك و بين الاخوان المطففين"
- عيب لما تختزل تضحيات الالاف و الملايين و تنسب التضحية لشخص او فئة (صاحب الضربة الجوية - صحاب قرار الحرب - الراجل اللي كان واقف وراء صاحب قرار الحرب - السيسي اللي كان تلميذ متفوق في المدرسة ساعة قرار الحرب)
- التضحية ليست شرعية كافية لتولي الحكم لان الحكم تخصص و لو كان الحكم بالبطولة كان المفروض ابطال اكتوبر الاميين يبقوا رؤساء و وزراء و من ينجح في اطفاء حريقة يبقى دكتور او مهندس
- نفسي نحتفل بنصر اكتوبر بطريقة صح و لو مرة واحدة - نجمع كل من تبقى من جنود و ضباط نصر اكتوبر و حرب الاستنزاف في ميدان التحرير و ميادين كل المدن و ساحات القرى و نعطي كل واحد منهم ورقة و قلم و كل واحد يكتب امنيته لمصر و يدخل الشباب يبوسوا راس كل صاحب اصابة في الحرب - و نحتفل بيهم احتفال شعبي و نغني لهم "تسلم الايادي" نغنيها لابطالنا لمن حاربوا و اصيبوا و اصابوا و لا نغنيها كدعاية انتخابية او مكايدة نسائية
- نفسي نكتب وثيقة شرف يوقع عليها كل مصري ان اللي حيجيب جون مش حيقلد مجدي عبد الغني و ان اللي حيشارك في انتصار مش حيقلد الجدع بتاع الضربة الجوية

تعليقات

التسميات

عرض المزيد