لا تقوللي حداثة و لا بنيوية و لا تفكيكية انها النظرية الفهلوية

اي فكرة او نظرية او تكنولوجيا اذا دخلت مصر تحولت الى مهزلة
كلمة باشا و هانم فقدت هيبتها في مصر
التنمية البشرية تحولت من علم الى عنوان للنصب في مصر
الاشتراكية تبرأت من التجربة الناصرية و الراسمالية تبرأت من الانفتاح الساداتي
المؤهل الجامعي نزل مستواه في مصر
العمل الخيري بقى سبوبة في مصر
الفيس بوك سنحوله الى موضة قديمة قريبا
بعون الله استخدمنا احدث ادوات ثورة الاتصالات في نشر الخرافات
و نشرنا فكر الاسلام السياسي في العالم و دوخنا العالم به و استهلكناه في مصر في 12 شهر و ده قمة الاعجاز المصري
بائعة الخضار المصرية انتقبت غطت وشها و عرت ذراعها كاملا و نص ركبتها
الشيوعي المصري بيحب عمر بن الخطاب و بيتصوف في اخر ايامه على الطريقة المصرية
و الملحد المصري بيحلف بايمانات المسلمين و ممكن يصلي استخارة قبل ما يختار زوجته و يعقد زواجه على مذهب ابو حنيفة النعمان
نستطيع تحطيم اي اسطورة اذا استخدمناها بطريقتنا
احنا و بعون الله بنتعامل مع المصنع و كاتب الكتالوج على انهم بشر زينا و ان اللي اخترع الاختراع مش حيتفلسف علينا و يعملنا فيها ابو الاختراعات
لذلك احنا بنقول له : شكرا يا عم المخترع نشكرك لحسن تعاونك معنا اركن بقى على جنب خلينا نشوف شغلنا
لا تقوللي حداثة و لا بنيوية و لا تفكيكية انها النظرية الفهلوية
و كما ان الفهلوة لها اضرار لكن ممكن برضه تفتكر ان لها اثار ايجابية فبنفس العقلية المصرية الصميمة حطمنا خط بارليف