تسريبات على هوامش صليل الصوارم

#عبدالوهاب_المسيري : المصريين لم يكتفوا فقط بنزع قناع الرهبة عن الدواعش و انما ايضا نزعوا  القداسة عن الخطاب المسمى اسلامي حيث ان الشباب لم يجد بديل للخطاب الداعشي سوى الرقص على الكلمات و ليس استبدال الكلمات كما هو معتاد في السخرية المصرية الاصيلة

#عزالدين_شكري : مهما تحدث البعض و بالغ في الحديث عن اعتبار الش المصريين على الدواعش  حرب نفسية مضادة الا ان السخرية لن تفتح باب الخروج

#البرادعي : المجتمع الدولي ينظر بعين الاحترام الى قدرة الشباب المصري على الالش

#ابو_الفتوح : هو ده الشباب المصري الجميل اللي بنفخر و نعتز بيه و هو بيتحدى الارهاب و  الاجرام و احنا بنصطف وراهم و نشد على ايديهم لكن التحدي ما يكونش بالسخرية بس لازم جهد منظم و واعي

#عمرو_حمزاوي : لا شك ان محاولة تفكيك الخطاب الداعشي من كل مكوناته الواهية التي لا تقوم  على اساس منطقي سليم لهي محاولة جديرة بالنظر و الدراسة

#شفيق : ايه
#مرسي :
#حازم_صلاح : الشباب المصري ادرك اللحظة الفارقة لكن للاسف بعد ما فرقت

#معتز_عبدالفتاح : و الله لو الش الشباب قدر ينتصر على الدواعش يبقى كويس لو مقدرش اديني قلت  لكم من الاول القلش مش حل

#حزب_النور : هو الرقص على ايقاع نشيد الصوارم حرام لكن لو ولي الامر المتغلب شايف انه من  ضرورات المعركة يبقى المرونة الشرعية تشتغل

#عباس_كامل : الولاد في الشئون المعنوية عملوا بلقمتهم و عملوا بتاعة جامدة جدا و ناجحة على البتاع بتاع الصوارم ده  .. اه ..... فاهمني حضرتك و اهه نوفر فلوس الجسمي في الطلعة دي ... اه بياخد كتير ... و يبقى اسمها حاجة شبابية ....اه .ايوة ...تمام

#ممدوح_شاهين : حضرتك احنا هنجيب نشيد الصوارم الاصلي و ما نغيرش اي حاجة بس هندخل لحن يكون فرايحي شوية هيكون واحد من رجالتنا في الموسيقيين مظبطه و احنا نحط اللحن بدل اللحن و نسيب الناس ترقص حضرتك .... اه .. فل كده .. كله بامر الله

#الربعاويين : عرفتوا بقى ان الالش على الدواعش كان مؤامرة يا بتوع تلاتين سونيا و ان العسكر  ختمكم على قفاكم#صليل_الصوارم