ارائي المكررة سنويا بشأن الثانوية العامة و توابعها و مقدماتها

ارائي المكررة سنويا بشأن الثانوية العامة و توابعها و مقدماتها
******************************************************************
8 أكتوبر، 2014

من اراد لقمة عيش في السوق المحلي يتعلم حرفة يدوية
و من اراد لقمة عيش في السوق العالمي يتقن لغة عالمية واحدة على الاقل و يتعلم من خلالها تخصص مطلوب عالميا
و اذا ابوك قال لك ادخل "حقوق - تجارة - اداب - تربية - علوم" علشان شهادة تتجوز بيها اكتب عليه شيكات وايصالات امانة انه سيصرف عليك و يضع لك وديعة محترمة بعائد شهري بعملة اجنبية في البنك
لو رفض
يبقى اوعى تسمع كلامه لانه وقت الجد هيورطك و يخلع
و قد اعذر من انذر
و احنا بنحب نهدي النفوس ‏‎smile‎‏ رمز تعبيري

***********************

Mhmd Hemeda
15 يوليو، 2014 ·

لو ربنا استجاب لدعاء المشايخ في مصر و نجح بتفوق كل طلاب الثانوية العامة ستحدث كارثة محققة امام مكتب التنسيق و في الجامعات و سوق العمل "مفيش مكان لكل الطلاب في الطب و الهندسة"

لكن لو ربنا استجاب دعاء المشايخ في امريكا و كل الطلاب نجحوا و بتفوق فلن تحدث اي مشكلة

لنفس ذات السبب فان دورات التحفيز المسماه "تنمية بشرية" شديدة الفشل في مصر و دورها كارثي لانها لا توفر فرص جديدة و لا بديلة و لكنها تشعل السباق و تحفز الصراع بين ملايين الشباب حول عدد محدود من الفرص
في الغرب الطريق واسع و المسارات كثيرة و قوانين السباق مستقرة و على الكل ان يتسابق و يدوس بنزين لينطلق بأقصى سرعة
لكن في بلدنا الطريق ضيق و متعرج و وعر و الاعتماد على التحفيز و فقط نهايته سوداء حيث يؤدي الى زيادة الغل و الحقد و الحسد و الكراهية و الاكتاف القانونية و غير القانونية

*************

Mhmd Hemeda
18 يوليو، 2012 ·

كلام جد و ثورة في كل بيت فيكي يا مصر
اقرأه قبل الرقابة الاسرية ما تحذفه
لكل طلاب الثانوية العامة
اذا فاتتك الكليات التي تؤهل لسوق العمل يبقى لازم تكتفي بالثانوية العامة و تنزل سوق العمل و تدور على شغل من دلوقت
و سيبك من الكلام الحمضان بتاع شهادة تتجوز بيها و الهجس ده
لانه ثبت علميا و احصائيا ان العصافير بتتجوز و الحمير بتتجوز و حملة المؤهلات المتوسطة بيتجوزوا و الجهلة بيتجوزوا و المتخلفين عقليا بيتجوزوا و ان الشهادات لا علاقة لها بالزواج ابدا
بالعكس فان حملة المؤهلات العليا هم اخر ناس بيتجوزوا

***************