احسن علشان المسلمين يفوقوا

و انا في الثانوي كاد الغضب ان يقتلني و يمزق قولوني بسبب ما تلقيناه من شحن على خلفية ما يحدث للمسلمين في البوسنة 

و شخص ما كان اخواني عندما حدثته عن مذابح في مكان ما رد علي : احسن علشان المسلمين يفوقوا - مذابح يعني فيديوهات و بوسترات و الشباب يتحمس و يعرف حجم المؤامرة و يفوق
و عرفت بعد كده ان عبارة "الشباب يفوق" معناها انهم يبقوا اخوان او يسيروا في قطيع الاخوان و التنظيم يختار من يناسبه منهم

و في فترة تالية و انا طالب في اولى كلية كنت احضر اللقاء الاسبوعي للطلاب في احد الزوايا و كان يحاضر او ينظم اليوم شخص كان اخواني ثم صار اليوم من اشد خصومهم و كان يبذل جهدا ما في التجديد فاحضر تورتة و كان يوجه اسئلة و يدير حوار مع شخص ثم يعطيه قطعة من التورتة و يقعد ياكلها في وسط فرجة الجميع ‏‎smile‎‏ رمز تعبيري "تجديد بقى" و كان السؤال الذي وجه لي : الا ترى ان المذابح و الكوارث تسبب افاقة للمسلمين و تزيد انتمائهم للامة ؟ و كانت اجابتي بالنفي و انني لا ارى اي علاقة بين المصائب و عودة الناس لدينها
طبعا كانت اجابتي خاطئة بمعايير الحوار المرسوم بدقة ليؤدي نتائج محددة سلفا لكن الرجل كان متسامح و اعطاني "حتة" من التورتة باعتباري انني اتجرأت و عبرت عن رايي الغلط
و بصراحة كان شكلي وحش و انا بقول راي مخالف لخلق الله اللي في المكان كلهم و شكلي وحش و انا قاعد على جنب ماسك حتة تورتة مش عارف اعمل فيها ايه في وسط تجمع بشري بيبص علي ‏‎smile‎‏ رمز تعبيري

و نستفيد من القصة دي ايه ؟
*ان لما جماعة الاخوان ترجع تنظم انشطتها مرة اخرى و يكون فيها واحد مفتكس عايز يطور الخطاب الدعوي و يعمل حوار مع انسان غلبان انه يبقى يديه شوكة مع قطعة التورتة او يديله بون يشرب بيه عصير من برة بدل ما يتحرج ياكل التورتة لوحده في وسط الجامع

*و ان الظالمين ما يعملوش مذابح و مظالم في مكان مفتوح ممكن يتصوروا منه و يخلوا ظلمهم بدون جمهور و لا تصوير لان الفيديوهات بتتسوق بعد كده لصالح جهات ضد الوطن

* و اننا كنا شباب اهبل مضحوك عليه من ناس هبلة متسواش حاجة في سوق الافكار