الهوية في زماننا مش بتتحسب انا ابن مين

الهوية في زماننا مش بتتحسب انا ابن مين
بتتحسب انا مين و عايز ايه و رايح فين
شغل انا سبعة الاف سنة و انت 300 سنة تبقى مش من مستوايا ده انتهى من زمان من ساعة ما اوروبا انتصرت على الفرس و الفراعنة و العرب انتصروا على اوربا و الفرس و اوربا رجعت انتصرت تاني و امريكا انتصرت على اوروبا
الوراثة الجينية فرقها مش كبير الا في بعض الامراض الوراثية الموجودة في كل اجناس و سلالات الارض
العبرة بوراثة السوفت وير و تطويره
طالما ماعنديش خبرة في بناء الاهرامات و مش كل مصري باني له هرم صغير على جنب يندفن فيه يبقى خلاص بح
الصنعة انتهت و اندثرت و احنا ولاد انهارده الا اذا كنا طورنا شوية في صناعة الاستبداد بس و الله حتى الاستبداد بتاعنا ماسخ لهو لطيف زي الاستبداد الخليجي و لا ماسك نفسه زي بتاع التنين المجنح بتاع كوريا الشمالية
المهم احنا ولاد النهارده و بما اننا انهارده عايشين على امل نلاقي اجندة النقوط بتاعة اجدادنا و اصلا في احتمالات كتير نطلع او يطلعوننا مديونين يبقى نفضنا من حكاية ان جدي دخل على الباشا بحصانه و الباشا قال له اطلع بره يا كلب
قصدت اكتب بالعامية لتطفيش حملة الاسفار

تعليقات

التسميات

عرض المزيد