خطبة الجمعة العادية خالص

خطبة الجمعة العادية خالص التي تبثها كل المساجد في بلادنا لازم تعمل خلل ديني اما ارهاب او تطرف او دروشة و ليس لان غالبية المسلمين مدروشين و الاقلية ارهابيين نعتبر اننا برءاء من الارهاب
و على فكرة الاهمال في المرافق العامة و فساد نظامنا الاجتماعي سببه الدروشة و ضحاياهم اكثر من ضحايا الارهاب
من مظاهر الدروشة ان تجد الانسان يؤمن بالمعنى و نقيضه معا في نفس ذات الوقت "يخلف و هو فقير لان العيل بييجي برزقه و يزوغ او يهمل في شغله او حتى يشتغل مية شغلانة و يتحول لهيكل عظمي ماشي على الارض بحجة ان مصاريف العيال قطمت وسطه -مؤمن بالمستبد العادل - يتصدق على المتسول و هو يعلم ان التسول حرفة -فلان مات في حادثة اه ربنا هده علشان مفتري و فلان الطيب كان معاه اصل المؤمن منصاب" و تتعدد امثلة الدروشة و هي مختلفة عن الازدواجية التي تنشأ بعد استفحال الدروشة و عدم القدرة على السيطرة عليها حيث يجد الانسان ان عقله اصبح طبق مكرونة سباجتي فيلجأ للازدواجية و تطفيف الميزان و لما رب الاسرة يمشيها بالستر و العبط طول عمره ممكن يطلع له ابن مش قادر يعيش بنفرين في عقله و جوفه فيقرر يصدق مع نفسه فيختار طريق التطرف او الالحاد او يكمل بنفرين مربوطين بمخدرات كيميائية او درويشية و تستمر مسيرة التخلف و التطرف في حياة المسلمين بالذات العرب و الباكستانيين

و طول ما قصة قاتل التسعة و تسعين نفس شغالة و حواديت الاسرائيليات شغالة و طول ما المثقف و المتطلع و المفنتح مفروض عليه يسمع خطبة دينية من جاهل منغلق و الا ربنا يغضب عليه و ينسخط لانه سمع الادان و منزلش هنفضل عايشين في الهم ده للاخر و بعد الاخر بشوية