تخيلته لو كان سافر امريكا في شبابه

تخيلت السيسي لو كان فك من الجيش و هاجر امريكا في شبابه اظنه كان ممكن يحقق نجاح مبهر و يمتلك مطعم متوسط الحجم قدر يمتلكه بعد قصة كفاح طويلة من بداية لما كان مجرد عامل دليفري لغاية ما صاحب المطعم مات في ظروف غامضة و زوجة صاحب المطعم وثقت فيه و مسكته الادارة و بعدين حد بلغ انها قتلت زوجها
المطعم نجح و قدر يواجه فروع سلاسل المطاعم الكبرى في منطقته و السيسي قاعد جنب الكاشير و ماسك الشيشة ملوحا بان اكلنا حلال و معندناش لحم خنزير قرب يا عربي قرب يا مسلم و تحيا مصر عشر مرات و خصم 10%للمصريين و جناح خاص بيهم لوحدهم لكن اغلب المصريين مكانوش بيحاولوا يستفيدوا من الخدمة دي لانهم عرفوا بالخبرة انه بيقدم لهم الوجبات البايتة او اللي فيها مشاكل او طلباتها اتلغت لاي سبب
و كان زمانه قاعد على الفيس يحدث الشباب عن تجربته و نجاحاته العظيمة و انه ازاي مش ممكن ينسى مصر و ان سلاسل محلاته فيها ريحة مصر لدرجة ان زويل لازم يتغدى عنده كل مدة و يحط صوره مع كل المشاهير اللي بيزوروا امريكا مصريين و عرب

تعليقات

التسميات

عرض المزيد