اما الدفاع عن الانسان و اما الانقراض

في ناس في ام البلد دي تلاقيهم عايشين معذبين و متضايقين طول الوقت كرامتهم بتوجعهم و عقلهم بيوجعهم و حريتهم محبوسة و حياءهم مخدوش و اذواقهم مجروحة في كائنات اخرى اتعمل لها عمليات استئصال كرامة و عقل و ذوق و حياء بأختصار تم نزع انسانيتهم و عايشين زي الخنازير المستمتعة بالمستنقعات لا الكائنات الانسانية فاهمين ايه متعة الكائنات الاخرى بمستنقعاتهم و لا الكائنات المستمتعة بالمستنقعات فاهمين الانسانيين دول عايشين ازاي بدون مرمغة في المستنقعات و الاباء و الامهات مش عارفين يسيبوا عيالهم على طبيعتهم فيطلع عندهم الحاجات اللي بتوجع دي زي الكرامة و الحرية و الذوق و العقل و الحياء و لا يأمنوا مستقبلهم و يجروا لهم جراحات نزع انسانية علشان يعيشوا حياه متكيفة مع البيئة الخيارات محدودة جدا اما الدفاع الشرس عن النفس الانسانية او الهجرة او التكيف "بنزع الانسانية" او الانقراض