البرادعي و المصريين بالخارج و انقاذ الغريق

انت ممكن تكون بتعرف تعوم لكن ماتقدرش تنقذ غريق 
و ممكن تكون على البر و مش بتعرف تعوم و لا بتعرف تنقذ و اخرك تحدف للغريق عرق خشب ممكن يمسك فيه او تصرخ و تجيب حد ينقذه او تقعد تشخط في الغريق علشان مش مركز معاك في تفاصيل شرحك العظيم لمكافحة الشد العضلي اثناء الغرق او يكون تليفونك فاصل شحن و المنطقة فاضية و بتتمنى للغريق كل الامنيات الطيبة او تنزل معاه و انت مش بتعرف تعوم و تقعد تصرخ و تضبش و تتمنوا حد تالت ينقذكم او يغرق معاكم
#مصر #البرادعي #المصريين_بالخارج #المصريين_بالداخل