مؤمنين من اعماقهم بدين ام المتغلب

تلاقيه راجل كبير و قاري و صاحب منصب لكن عايش دور التلميذ النجيب اللي بيسمع كلام الابلة-السلطة

الابلة-السلطة دائما على حق اومال بقت ابلة-سلطة ازاي و لا انت عايزنا بقى زي العيال البلدا اللي بيقعدوا ورا و الابلة-السلطة مش بتحبهم و بيضيعوا وقت الحصة في كلام فاضي و بيمنعونا من الكلام المحفلط

تلاقي الواحد من دول متحمس قوي علشان يلم من كل واحد جنيه علشان زواق الفصل

و تلاقيها متحمسة قوي انها تفكر ابلة السلطة انها تمر على الواجب

الناس من حسن ظنهم مفكرة العيال الكبار دول منافقين و هما مش منافقين و لا حاجة بالعكس دول مؤمنين مؤمنين من اعماقهم بدين ام المتغلب زي ما حضرتك كده مؤمن بدين المضطهد