اتعاطف مع ابنك المتكهرب بس ماتعلمش عيالك اللعب في الكهربا

في اوبشن كده عايز اتكلم عنه علشان ممكن حد يشوفه كمان خمس سنين فينشره و يلاقي الناس متقبلاه كبديهية عادية و بسيطة و مفهومة و مش محتاجة شرح و لا قوالة

لو اخوك او ابنك ارتكب جريمة قتل او تاجر في المخدرت مثلا من حقك و طبيعي جدا انك تتعاطف معاه و تجيب له محامي يدافع عنه في المحكمة و تروح تزوره في السجن لكن ما تقعدش في وسط ولادك تقول مالها المخدرات هو في سعادة و لا لذة و لا ابداع الا في المخدرات

عارف انت مستحيل تعمل كده ليه؟

لانك مش عاوز باقي عيالك يتصالحوا مع المخدرات او يقتلوا بعض لو اختلفوا في راي او تعارضت مصالحهم