الميكروباص الاسلامي

تقريبا كده في القرن العشرين كان كل واحد عنده حلم غير محدد المعالم كان يلزقه في الاسلام
و جماهير الحالمين اجتمعت على ركوب ميكروباص المشروع الاسلامي و كل واحد من الركاب كان مفكر ان محطته هي الاسلام
و دلوقتي بقى جه ميعاد النزول في المحطات و كل راكب في الميكروباص الاسلامي بتخانق مع باقي الركاب و بيزعم ان محطته هي دي جوهر الاسلام و صحيح الاسلام و ان لازم كل الركاب ينزلوا فيها
و اغلب الظن ان سواق الميكروباص هجاس و عامل نفسه اساسا ماسك الدريكسيون في حين ان الميكروباص ماشي بقيادة آلية موجهه من الخارج و السواق مجرد منادي بس قاعد قدام ما يشبه عجلة القيادة