كورسات الهجس الفعال والاستعباط المؤثر

امتى تعرف ان اللي بيحفزك نصاب
لما تلاقيه بيحاول يقنعك ان بالارادة ممكن تزرع ارض بور و تتاجر في لبن العصفور
التحفيز ده شبه دواسة البنزين في العربية
كل ما تزود تحفيز تزود ضخ البنزين
هل ضخ البنزين بزيادة ممكن يخليك تتفادى مطبات او تمشي عربية مافيهاش موتور او تحول العربية لطيارة او تدخل في عمارة و تطلع السلم
الدافعية مهمة مفيش كلام لكن تعليق كل مشاكل الناس و فشلهم على غياب الدافعية اما جهل او نصب "على حسب نوع اللي بيقول الكلام ده"
و من الجدير بالذكر ان التحفيز-ضخ البنزين بزيادة في طريق ملغم و غير ممهد لا يقل خطورة عن الفشل و الجمود