انا مش مقتنع ان صدمة المجتمع ممكن تؤدي لتنويره
بل على العكس ارى انها مثل التطعيم الذي يستفز مناعة المجتمع لافراز مضادات تجاه اي خطاب تنويري
انا شايف ان الاسلاميين قدروا يوصلوا للشعب مش لانهم صدموه انما لانهم ربطوا افكارهم "اتفقنا او اختلفنا معها او بعضها" ربطوا فكرهم بيومياته
شوف تعريف حازم شومان لليبرالية "امك تقلع الحجاب" ضربة معلم اسخر منه للصبح لكن لازم اعترف انها ضربة معلم عرف ازاي يحاصرك في نص ملعبك ويخليك تلف حوالين نفسك
عايز تعالج الفقر اقرا الواقعة و صلي الفجر جماعة في المسجد
غلاء الاسعار بترك الذنوب و المعاصي و حجاب النساء
المرض النفسي هو مس شيطاني روح لشيخ يرقيك او ضعف ايمان يتحل بالصلاه و العبادات و سماع كسيتاتنا
في مقابل تنويري يطرح حرية المراة في الترشح للرئاسة و الوصول لمنصب القضاء فده شئ بعيد بعيد عن يوميات كل نساء مصر و رجالها
لكن لما كان التنويري الفاهم بيطرح حرية البنت الفلاحة في انها تتعلم كان صوته بيعمل خناقة في كل عزبة في مصر بين مدرس شايف بنت بتتقدم في التعليم و ولي امر عايز يخرجها من التعليم
وياما انتصر المدرس او المدرسة بمساندة جزء من المجتمع على جهل الاب المستند برضه لجزء من نفس المجتمع
انا مع اننا ننور الناس بشان الاكتئاب والاحباط و متاعبهم النفسية و اشتباكاتهم الاجتماعية و نتكلم في السحر و الحسد و تفسير الاحلام وعلاج التحرش و تاسيس الاخلاق اليومية على اساس عقلي و عقلاني و الدعوة الى الاخلاق من منطلقات عقلانية
تعليقات
إرسال تعليق