مزارع سمكية و ذاكرة سمكية وحلزونة الفشل المستدام
كنت قرات يجي من 20 سنة كده ان سبب كتابة جمال حمدان لكتابه "القاهرة" ان كان في جدل لحل مشكلة تكدس القاهرة بالسكان و كان مطروح ثلاث بدائل اما انشاء عاصمة ادارية جديدة "مدينة السادات" و اما انشاء الطريق الدائري حول القاهرة واما انشاء مترو الانفاق
و كان راي جمال حمدان في كتابه القاهرة هو تعزيز اللامركزية الادارية و تحويل مشاريع تطوير القاهرة لدعم الاقاليم مما سيؤدي لاعادة التوازن بين المركز "الراس الضخم" وبين الاطراف "الجسد الكسيح" و ان تظل القاهرة هي العاصمة لاسباب عددها في كتابه
واذكر انه قال بصريح اللفظ انكم ستبنون عاصمة بديلة ولن تنفذوا النقل و انكم ستقيمون الكباري والطريق الدائري ومترو الانفاق لكن هذا سيزيد ازدحام وتضخم القاهرة وسيزداد هزال الاقاليم وسيضطر المزيد من السكان لهجران مدنهم وقراهم الى المكان الوحيد الذي تتوفر فيه فرص العيش في حضن وضواحي المركز
جمال حمدان الف كتابه في السبعينيات وما حذر منه حصل في الثمانينات والناس قررت تجيب افكار من برة صندوق عصر ثورة الاتصالات فجابوها من صندوق السبعينيات واعادة تجريب ما سبق تجريبه وثبت فشله في حينها
وفي ناس عايزاني بعد ما قربت اودع امل خير في مشاريع فاكر ان السادات و مبارك في بداية عهده فتح قدها 200 مرة "200 مرة بجد مش مجرد قافية"
الجيل اللي مشافش برامج الظهيرة زي خير بلدنا لما كانوا بيقفلوا درج البيض و يفتحوه يطلع كتاكيت وماشوفوش حسني مبارك وهو بيقضي الويك ايند في افتتاح المزارع السمكية و المصانع بالجملة و حسب الله الكفراوي الله يرحمه شغال في حوالي 25 مدينة جديدة "رمضان-اكتوبر- مايو-برج العرب-العبور-الشروق-السادات-العامرية-النوبارية ......" و الجيل اللي مشافش كمال الجنزوري اللي قال لنا مبروك لقينا بترول ودهب و ياقوت و مرجان وغاز طبيعي و هانزرع مساحة قد الوادي و الدلتا في توشكى و نسيب الوادي العجوز الضيق و نتوسع بقى وماكانش خايف علينا غير من كتر الفلوس لتفسد اخلاقنا
الجيل اللي مشافش الحاجات دي معذور انه يتاثر بشوية افتتاحات و قص شرايط
لكن الناس الشايبين اللي ياما غنوا عايزينها تبقى خضرا دول ذاكرتهم ازاي بقت سمكية كده ازاااااااااااي ؟
و كان راي جمال حمدان في كتابه القاهرة هو تعزيز اللامركزية الادارية و تحويل مشاريع تطوير القاهرة لدعم الاقاليم مما سيؤدي لاعادة التوازن بين المركز "الراس الضخم" وبين الاطراف "الجسد الكسيح" و ان تظل القاهرة هي العاصمة لاسباب عددها في كتابه
واذكر انه قال بصريح اللفظ انكم ستبنون عاصمة بديلة ولن تنفذوا النقل و انكم ستقيمون الكباري والطريق الدائري ومترو الانفاق لكن هذا سيزيد ازدحام وتضخم القاهرة وسيزداد هزال الاقاليم وسيضطر المزيد من السكان لهجران مدنهم وقراهم الى المكان الوحيد الذي تتوفر فيه فرص العيش في حضن وضواحي المركز
جمال حمدان الف كتابه في السبعينيات وما حذر منه حصل في الثمانينات والناس قررت تجيب افكار من برة صندوق عصر ثورة الاتصالات فجابوها من صندوق السبعينيات واعادة تجريب ما سبق تجريبه وثبت فشله في حينها
وفي ناس عايزاني بعد ما قربت اودع امل خير في مشاريع فاكر ان السادات و مبارك في بداية عهده فتح قدها 200 مرة "200 مرة بجد مش مجرد قافية"
الجيل اللي مشافش برامج الظهيرة زي خير بلدنا لما كانوا بيقفلوا درج البيض و يفتحوه يطلع كتاكيت وماشوفوش حسني مبارك وهو بيقضي الويك ايند في افتتاح المزارع السمكية و المصانع بالجملة و حسب الله الكفراوي الله يرحمه شغال في حوالي 25 مدينة جديدة "رمضان-اكتوبر- مايو-برج العرب-العبور-الشروق-السادات-العامرية-النوبارية ......" و الجيل اللي مشافش كمال الجنزوري اللي قال لنا مبروك لقينا بترول ودهب و ياقوت و مرجان وغاز طبيعي و هانزرع مساحة قد الوادي و الدلتا في توشكى و نسيب الوادي العجوز الضيق و نتوسع بقى وماكانش خايف علينا غير من كتر الفلوس لتفسد اخلاقنا
الجيل اللي مشافش الحاجات دي معذور انه يتاثر بشوية افتتاحات و قص شرايط
لكن الناس الشايبين اللي ياما غنوا عايزينها تبقى خضرا دول ذاكرتهم ازاي بقت سمكية كده ازاااااااااااي ؟
تعليقات
إرسال تعليق