اذا كان اللاديني العربي لا يقل تخلفا وتشددا عن السلفي العربي فهل عروبتنا سر تخلفنا؟
نقاش افتراضي مع لاديني عربي
ايه مشكلتك مع السلفي؟مشكلات كتير من ضمنها تمسك السلفي بمطلقات واصطدامه بالواقع وعدم التعامل مع النسبي بمما يلائمه من النسبية
يعني حضرتك شايف العلمانية تساعدك على ادراك الواقع وخوض معاركه على النحو الملائم ؟
افهم من كده انك بتكسب بقى المعارك والحياه ماشية معاك حلاوة وشعبيتك في ازدياد وقوتنا في نسبيتنا وواقعيتنا سر شطارتنا؟
طيب مين عدوك الاول ؟
المتطرفين الداعشيين اللي بيستحلوا دمي وعايزين يقتلوني
طيب بتخوض معاركك مع مين؟
مع الوسطيين الكيوت اللي بيداروا على الناس عيوب التراث المحرض على العنف
طيب انت عايزهم يحرضوا الناس على مزيد من العنف ويقولوا للناس ان التدين الحقيقي معناه القتل والعنف واضطهاد المخالف والمختلف؟
اه عاوزهم يعرفوا الناس الحقيقة عشان يختاروا اما الدعشنة او اللادينية ويبقى الاختيار عن بينة
طيب حضرتك متصور لو خير الناس بين اللادينية والدعشنة مع دعمك للدعشنة بمزيد من الحجج المؤيدة التي تؤكد من خلالها ان داعش هي الخط الاصيل الذي يسير على صحيح الاسلام في تصورك يعني الناس هتختار العلمنة المناهضة للدين الاصلي ولا الدين الاصلي؟
اكيد طبعا هيختاروا العنف لانهم شعوب متخلفة اتربت على الارهاب والتطرف
يعني حضرتك بتنور الناس عشان ينتقلوا الى مربع العنف ضدك بدل ما ينتقلوا لمربع القبول بك ولو على مضض؟
ايوة
حضرتك متأكد انك بتتعامل مع النسبي بما هو نسبي ؟
---------------
قناعاتي
ان السلفي العربي واللاديني العربي والماركسي العربي ما يجمع بينهم هو كونهم شركاء في التخلف والعروبةفليس الدين هو سر تخلفنا فلو اخذنا بمنطق الارتباط الشرطي سنجد ان ربما تكون العروبة هي السبب
غير اني لا اميل الى تفسير الظواهر بمجرد الارتباط الشرطي لان هذا هو منطق الاطفال والعقل اللاواعي واظن ان اسباب تخلفنا لا علاقة لها بالعروبة والاسلام وان كانت تصطدم وتشتبك بقضايا الهوية والتدين ولكنه اشتباك ناتج عن تعارض او تقاطع المسارات ولكنها ليست اسباب جوهرية للمشكلة
تعليقات
إرسال تعليق