السيستم واقع

كنت مفكرهم فالحين في دراسات الحرب النفسية اتاريهم مش فالحين غير في كيد النسا #شبه_دولة_كيداهم

الفقير والمهمش والخائف هو الاكثر ميلا للتكاثر ذلك هو الواقع ولو تعددت التفسيرات لذلك فان الغنى والترقي الاجتماعي وانتشار التعليم واقعيا هو الذي يحل ازمة الانفجار السكاني   في حين ان العكس وان جاز خياليا ونظريا حين يتصور الناس ان مشكلة الفقر ممكن حلها بتخفيض السكان لكن هذا لا يحدث واقعيا  والموضوع معقد جدا لانه مرتبط بالغرائز الدفينة والخفية اكثر من ارتباطه بالاقناع المعلوماتي والمنطقي عن طريق اعلان او محاضرة  حيث ان اقناع المجتمعات بالاقلاع عن التدخين او برشاقة الجسد اسهل كثيرا  من اقناعها بتعديل انماطها الانجابية  انا من المقتنعين بان مصر تعاني ازمة انفجار سكاني لا يجوز ان تستخدم في تبرير الفساد والاهمال وسوء التخطيط والادارة الحكومية  ومقتنع كذلك ان الخطابات المرسلة الى الشعب ما بين السخرية واللوم وتحميله مسئولية الانفجار السكاني حتى وان صحت في مضمونها الا انها تزيد المشاكل تعقيدا بما فيها الازمة السكانية ذاتها بما ترسله تلك الخطابات من اشارات ضمنية للشباب والاطفال بانهم غير مرغوب فيهم وانهم عالة وغلطة كما تزيد من ترسيخ قناعتهم بنقص قيمتهم مما قد يت...

المصريين عموما اتربوا على الخلط بين الوسطية والتوفيق بين التناقضات هروبا من اخد مواقف تجاه ثقافتهم وافكارهم وحياتهم انا شخصيا ممكن امارس التوفيق بل التلفيق عشان اراضي عيل صغير رافض ياخد حقنة او اتنين متخاصمين والسبب ممكن يكون بسيط عشان الحياه تمشي لكن التوفيق في الافكار على غير اساس قوي بيعمل مشاكل اكبر بكتير من اللي بنهرب منها

وجهة نظري ان الحشيش والخمور اقل ضررا على المجتمع والفرد ذاته من الافكار المخدرة لان الفكرة المخدرة مزمنة ومعدية ومقدسة تظل تفرض صحتها مهما ثبت العكس لكن العقار المخدر لحظي وفردي ومؤقت وما ينتج عنه مفترض فيه الخطا حتى يثبت العكس

👍  احنا ازاي بقينا كده ؟!  👍  سيبها على الله وما تحسبهاش بالورقة والقلم ولو كل حد حسب كل حاجة بالورقة والقلم قبل ما يتحرك مكانش في حد اتحرك من مكانه ربك بيبعت والرزق من عند ربنا وشوف خالك فلان كان بيقول زيك كده وبعدين ربنا كرمه وكان متجوز مش عارف هايكمل الشهر ازاي وربنا بعت له واسطة واشتغل في المرور وبقى حاله عال العال  وان شاء الله ازمة وتعدي ومصر مذكورة في القران وعمر ربنا ما هايضيعنا ده بس اختبار ومرحلة وهاتعدي بس لو كل واحد يتقي ربنا في عمله ويبطل يبص لغيره هانبقى عا ل العال لكن كل واحد باصص للتاني وبيقول اشمعنا وربنا يولي من يصلح :) دي منظومة قيمية كاملة وده السيستم الوحيد اللي مش واقع  :)

س: هل مصر بلد فقير حقا؟ اه بلد فقير حقا من حيث الموارد ومدى تناسبها مع عدد السكان ونوعية السكان في مصر مش ثروة بشرية اه في فساد ضخم وسوء ادارة اضخم وتخلف اضخم وابشع وشامل الكل بما فيهم انا س: هل الرأي ده بيصب في تبرير جرائم السلطة؟ لو في تراشق الكلمات ومين الاول الفرخة ولا البيضة والاصلاح ولا الثورة والشعب ولا الحكومة وغيرها من نقاشات التخلف التي نحياه فالراي ده ممكن يمشي مع اي طرف عاوز يفحم الطرف الاخر الوهمي لكن بدون مواجهة الحقائق ومنها حقيقة ان مصر بلد فقير وان التخلف والفساد مرض متوطن في الثقافة الشعبية والنخبوية وليس مجرد سلوك مستهجن بدون مواجه تلك الحقائق فاننا لن نفكر او نحلم بالتخطيط الجاد لبدائل حقيقية للاوضاع الراكدة والماساوية التي نحياها وسنظل ندور فيها طول ما كل اللي شاغل دماغنا اننا ندور على شماعة نعلق عليها الاخطاء كلها ونضرب الافيونة المصرية المتينة واللي نبات فيه نصبح فيه #السيستم_واقع

لتحميل وتنزيل كل او بعض الترجمات المتاحة لاي مقطع فيديو على اليوتيوب اضغط هنا ضع رابط مقطع الفيديو داخل المربع وستظهر لك كل الترجمات المتاحة بامكانك تحميلها مباشرة

ليست وطن ولكنها فخ فيها حاجة حلوة .. مجرد طعم يعيش فينا ولا نعيش فيه ... ده تعريف الفيرس وليس الوطن اللي بناها حلواني يا جدع .. يعني مش متخصص في البنا وكمان الحلوى كلها كرب.هيدرات وفي كلام انه ماخدش مؤخر اتعابه بذمتك مش بتحبها؟ ... اكدب لو قلت لاء . بس حب من طرف واحد زي حب المدمن لافيونته

نظام السادات\مبارك سلم دماغ الشعب للاسلاميين يلعبوا فيه"الخطب والكاسيت وكتب الارصفة والعمل المباشر في الشارع مع تضييق محسوب وشرس احيانا" وسلم وجدان الشعب لشلة اليسار اليميني المصري بخلطته الشمال المعروفة "الفن والمسلسلات والسينيما مع تضييقات الرقابة المحسوبة" واستلم هو توجيه سلوك الناس من خلال لقمة العيش "جعلهم عبيد انجس مأمور مع رشوة وسرقة وممارسة اقتصاد غير رسمي تحت رقابة وطرمخة القانون حسب المزاج" # ويسألونك_عن_وقوع_السيستم   # كيف_وقع_السيستم ؟

كثير جدا من افكارنا وقيمنا احنا اقتنعنا بيها من غير دليل قوي او ربما من غير اي دليل وده طبيعي ومنتشر لكن لما تنقل قناعاتك وافكارك من النطاق الخاص للنطاق العام هنا يلزم يكون معاك ادلة وحجج وقدرة عالية على المناظرة والاقناع وكذلك معرفة بالافكار المناقضة لفكرتك والمتقاطعة معاها والمتماسة معاها وكذلك بيئة مهيأة للحوار حتى لا يسبب انفجار واحيانا قد تؤمن بفكرة بادلة تراها قوية بالنسبة لك انت لكنها ليست قوية بالنسبة للاخرين فانت هنا بامكانك ان تؤمن وتعمل بفكرتك وممكن ان تعبر عنها باعتبارها راي شخصي لا تدع اليه ولا تناظر ولا تحاجج به لان طبيعي ان مخك مش دفتر ولا انت جاهز طول الوقت للرد والمحاججة لان ذلك تخصص وشغل له ناسه وحتى هؤلاء يفعلونه في اوقات مخصصة وليس طول الوقت وبالتالي ليس كل من لا يجيد المناظرة والمحاججة صاحب ايمان فارغ او تقليد اعمى بدليل انه هرب من مناقشة فلان او لم يستطع الرد على حجج فلان فليس كل صاحب قضية لديه مقدرة على الدفاع عنها فقد يستدعي محاميا او مختص بل ان بعض المحامين القادرين يوكلون غيرهم في قضاياهم الشخصية او العائلية حتى لا يفسدوا عرضها بسبب عاطفيتهم الزائدة تجاه قض...

طول عمري مش باحب اغنية "توت توت قطر زغنطوط" بتاعة عبد المنعم مدبولي وهدى سلطان والاطفال ولما فكرت في السبب لقيته انساني ومنطقي جدا لان عبد المنعم مدبولي في الحلقة التالية مباشرة من مسلسل "لا يا ابنتي العزيزة" لبس قضية والاطفال فقدوا ابوهم وامهم طلبت الطلاق من ابيهم وتزوجت شخص اخر واوهمتهم ان ابوهم مات وكانت قصة سودة فيها كل مخاوف الطفل اللي ممكن تيجي في كوابيس طفل شدته الاغنية وفزعته الاحداث

السلطة بتقمع كل من طفا على سطح الثورة رغم علمها ويقينها انهم لم يصنعوا الثورة ربما السلطة بتهين الثورة من خلال قمع رموزها ولو استدعى ذلك تغيير العلم وتقديم الساعة وتغيير اسماء الشوارع وشكل الميادين وربما لانها لا تستطيع معاالجة اسباب الثورة بتفش غل اعمى في البشر

كانوا زمان لما الحكام بيستعينوا بفئة بعينها في شئون الحكم كانت الفئة دي بتورث الحكم بعد فترة فاغلب الظن ان من كتر حكامنا ما كانوا بيخافوا من الاغتيالات فعملوا فرق كاملة من الدوبليرات من اشباه كل رجال الدولة وفي لحظة ما استطاع دوبلير ما ان يصنع انقلابا سريا في لحظة غير معلومة واتى برجاله من طائفة الدوبليرات الاحرار وامسكوا بزمام السلطة والدليل على كده ان بشار مات وهرب وبلحة الاصلي اتقتل واتقطعت رجليه

مشكلة الناس اللي بتتريق على تصريحات البقف انها مش فاهماه كويس في حين انهم لو فهموه كويس هايتريقوا اكتر "ياللي عليكم كل كلامه ... قربوا من فكره واحلامه"

كنت قد كتبت خاطرة سريعة عن حكم الحد الادنى للاجور "القوة الشرائية للـ١٢٠٠ جنيه اللي حكمت بيهم المحكمة كحد ادنى للاجور سنة ٢٠١٠=٤٠٠٠ جنيه في ٢٠١٨" ================ بعد البحث عن نص حكم المحكمة بخصوص الحد الادنى للاجور لم اجده قد نص على حد ادنى محدد برقم 1200 جنيه كما هو مشاع  الحكم الزم الحكومة بتحديد حد ادنى للاجور واليكم نص الحكم " بسم الله الرحمن الرحيم باسم الشعب محكمة القضاء الإدارى الدائرة الأولى بالجلسة المنعقدة علنا في يوم الثلاثاء الموافق 30/3/2010 م برئاسة السيد الأستاذ المستشار / عادل محمود زكي فرغلي نائب رئيس مجلس الدولة ورئيس محكمة القضاء الادارى وعضوية السيد الأستاذ المستشار/سامي رمضان محمد ردويش نائب رئيس مجلس الدولة والسيد الأستاذ المستشار/ هلال صابر محمد العطار نائب رئيس مجلس الدولة وحضور السيد الأستاذ المستشار/ ادهم الجنزورى مفوض الدولة وسكرتارية السيد/ سامي عبدالله خليفة أمين السر أصدرت الحكم الآتي : في الدعوى رقم 21606 لسنة 63 ق المقامة من 1- ناجي رشاد عبدالسلام “المدعي” 2- محمد الأشقر خصوم متدخلون ...