السيستم واقع

بندق ندق بوابة الحياة بالإيدين قومى قومى .. قومى افتحى لولادك الطيبين قومى .. قومى اللى بنى بنى مصر كان فى الأصل حلوانى وعشان كده مصر يا ولاد مصر ياولاد حلوة الحلوات اللى بنى بنى مصر كان فى الأصل حلوانى وعشان كده مصر يا ولاد مصر ياولاد حلوة الحلوات اللى بنى بنى مصر كان فى الأصل حلوانى وعشان كده مصر يا ولاد مصر ياولاد حلوة الحلوات وادى وبوادى و بحور و قصور و موانى توحيد وفكر وصلاة تراتيل غنا وابتهالات وكل ده فى مصر يا ولاد مصر ياولاد حلوة الحلوات اللى بنى بنى مصر كان فى الأصل حلوانى و عشان كده مصر يا ولاد مصر ياولاد حلوة الحلوات اللى بنى مصر كان حلوانى يا ولداه حلوانى .. حلوانى اسمه على بوابتها لا زال ولا زايل .. لا زال ولا زايل ساعة الهوايل يقوم قايل يابلداهـ .. يابلداهـ و ييجى شايل هيلا هوب شايل .. هيلا هوب شايل .. حمولها و يعدل المايل و عشان كده مصر يا ولاد حلوة الحلوات اللى بنى بنى مصر كان فى الأصل حلوانى و عشان كده مصر يا ولاد مصر ياولاد حل...

منين بيجي الشجن .. من اختلاف الزمن ومنين بيجي الهوى .. من ائتلاف الهوى ومنين بيجي السواد .. من الطمع والعناد ومنين بيجي الرضا .. من الايمان بالقضا من انكسار الروح في دوح الوطن يجي احتضار الشوق في سجن البدن من اختمار الحلم يجي النهار يعود غريب الدار لـ أهل وسكن ليه يا زمان ما سبتناش أبرياء وواخدنا ليه في طريق ما منوش رجوع أقسى همومنا يفجر السخرية وأصفى ضحكة تتوه في بحر الدموع ولفين ياخدنا الأنين لليالي ما لهاش عينين ولفين ياخدنا الحنين لواحة الحيرانين ما تسرسبيش يا سنينا من بين ايدينا ولا تنتهيش ده احنا يا دوب ابتدينا واللى له أول بكرة حيبان له آخر وبكرة تفرج مهما ضاقت علينا ولفين ياخدنا الأنين لليالي مالهاش عينين ولفين ياخدنا الحنين لواحة الحيرانين مشاهدة وسماع تتر ليالي الحلمية ========= اغنية تتر مسلسل ليالى الحلمية الحان: ميشيل المصرى كلمات: سيد حجاب غناء:محمد الحلو

العقلية التقليدية اتعودت على ان اي شئ جميل او لطيف او مفرح هو غالبا غير مفيد وتضييع وقت مع ان العلم اثبت ولا زال يثبت ان اغلب الحاجات المبهجة في الحياه مفيدة جدا المهم ان يكون عندك عقل يستثمر في المنافع ويرشد الاضرار الى حدها الادنى يعني مثلا الالش اللي اعتدنا كلنا على التقليل من اهميته والالش عليه مفيد جدا وله فوايد اكثر من ان تحصى او تعد منها ان كل الشة وراها فكرة الالش بيسهل انتقالها بسرعة البرق ومنها انه بيزود ويعمق اللغة المشتركة في المجتمع مما يوسع ويعمق التشبيك الاجتماعي ويسرع التواصل حتى خارج مواقع التواصل الاجتماعي ولو كان الالش لا يحمل اي فكرة ومن فوايد الالش ان الضحك في ذاته غاية يبذل في سبيلها الكثير من الجهود لان الضحك في اضعف احواله مسكن ونادرا ما يكون مخدر الا اذا تم تعاطيه بكميات غير موجودة اصلا في الدنيا بينما كثير من انواع البكاء مخدرة وان بدت غير ذلك كما ان الضحك له فوائد اتعمل فيها كتب ومش هاشرحها في بوست ومثل ما قلنا عن الالش فايضا الفن بانواعه و الرياضة باشكالها المختلفة والاستمتاع بالجمال بكافة صوره وكذلك لعب العيال اللي بقى مضرب المثل في السخرية المحلية اسالو...

مصر العطشانة الصحراوية فقدت تحالفها مع السودان الغني الخصب بسبب غباء وتكبر الضباط الاحرار جدا السودان يمكنه ان ينهض بغير مصر لكن مصر لا يمكنها ان تنهض بدون السودان ومنابع النيل لان مصر اصلا هبة النيل ومهما تعاونت مصر مع العرب او حوض المتوسط فانها بدون عمقها الافريقي لا قيمة لها

التعليم المجاني كان موجود من قبل الضباط الاحرار لكن اللي جد كان انتشار وتضاعف عدد المدارس اكثر من عشرة اضعاف العدد والكثافة وده كان كارثة وليس انجاز لان تضاعف عدد المدارس والفصول مع عدم وجود مدرسين وبدون اقامة مشروع لبناء مدرسين ادى لفتح باب التوظيف بالتدريس لكل من هب ودب بالمعنى الحقيقي لمعنى من هب ودب لدرجة ان تحول المدارس الى كتاتيب واداه لنشر الجهل بشهادة وتخريج انصاف المتعلمين وانني ازعم ان اغلب مدرسي اللغات الاجنبية في مصر يعجزون عن سماع مجرد سماع نشرة اخبارية باللغة التي يدرسونها لطلابهم او مشاهدة فيلم بدون شريط ترجمة ماليزيا لما قرروا ينشروا التعليم بنوا مدرسين الاول قبل ما يبنوا اسوار ومباني ويسموها مدارس السيستم واقع

مراجعاتك سطحية لان هذا اقصى ما تستطيع الوصول له في اللحظة الراهنة؟ ام انها سطحية لانك تعلم لدرجة اليقين ان يقينك هش لا يتحمل مجرد فحص اساساته؟

كنا فريسة بين انياب كلب فنازعه كلب اخر واختطفنا منه ثم تنازع علينا الكلاب فسقطنا على الارض ولم نستطع المواجهة ولا حتى الهرب فقفزنا في فم احد الكلاب ظنا منا ان انيابه مكسورة ثم قفزنا الى فم اخر انيابه حادة وقوية عشان يعرف يمسكنا كويس ويحمينا من الكلاب الجربانة وما بين انياب الكلاب نتحيز ونحتار وكل يبكي على كلبه واللي يقولك انت مع الكلب البلدي ولا مع الكلب السلالة؟ موقف ابن كلب بصراحة السيستم واقع

اخر قدرة حيوية لهذه الشبه دولة ستتوقف هي قدرة القمع حتى القدرة على دفع رواتب العسكر والعسس ستقف قبل توقف قدرة القمع طول ما هي ميتة اكلينيكيا بس القمع شغال مش هايفصلوا عنها الاجهزة في البدء كان القمع وفي النهاية يكون يموت الاستبداد وصوابعه بتقمع

لو اللي بيلاقي اثار تحت بيته الحكومة بتدفع له كويس كان زمان اثار مصر كلها قبت على وش الارض

غلطنا واتعلمنا ومش عاوزين نكرر الغلط  حد له فيها

اغلبنا بيدعي على "س" ويكره اللي يقول آمين

التسويق مش هجس وفهلوة زي ما كتير من الناس متخيلة بمن فيهم بعض ممن يعملون بالتسويق ويسيئون له المسوق الشاطر بيظهر مميزات بضاعته او الجانب الايجابي من بضاعته المناسب لاحتياجات الشريحة المستهدفة من الجمهور لكن المسوق الفهلوي عبارة عن شبورة كلام والحاح لا يحقق اي قيمة تسويقية لكن بيضحك على التاجر اللي مشغله اللي مش فاهم الفرق بين التسويق والبيع ولا بين الترويج والغش يعني لما تكون بتعمل دعاية لشنطة عدة تستهدف بيعها لغير الحرفيين "الشريحة المستهدفة" ساعتها بتطلق شعار "وداعا لدخول الغرباء المنزل" و"اعمل احتياجات بيتك بنفسك" لان الشريحة المستهدفة فعلا عندها ازمة حقيقية في التعامل مع الحرفيين بمواعيدهم الفالصوا ومشكلات المبالغة في المصنعية والخامات وموال كبير كلنا عارفينه ونفس المسوق ممكن يشتغل لصالح شركة صيانة في نفس الوقت وربما هي نفسها اللي بتبيع شنطة العدة ساعتها المسوق بيطلق شعار "ادي العيش لخبازه" ويبين مميزات التخصص وان غريب متخصص يدخل بيتك يخلص الشغلانة في ساعتين زمن افضل ما تبهدل حضرتك البيت وتبوظ الدنيا وتعطل شغلك زي مسوق سيارات بيسوق العرب...

ايوة هايبداوا يدوروا على الكلام التاني اللي كان مختفي في قراطيس المشايخ ومش بيطلع غير للحبايب وده تطبيق لظاهرة الضغط المشيوخي انك كل ما تضغط ع الشيخ ينز "خليها ينز" ومعانا شيخ بدا ينز عقلانية وتساهل بعد ضغط العيال الملحدين بارك الله فيهم ونقول الو """""" إن اجتهاد الفقهاء واختلافهم في وضع ضابط للعقوق يدلنا دلالة ظاهرة على أنهم لم يفهموا هذا الإطلاق العامي الذي يشيع على ألسنة بعض الوعاظ والمتكلمين بغير علم، وليس هنا مجال عرض تفاصيل اجتهاداتهم ولكن يوضح الكاتب ما ليس من العقوق... ليس من العقوق: (1) ترك طاعة الوالدين إذا اعتيد منهما الحمق وعدم مراعاة الشرع ولم تظهر مصلحة بلا مضرة فيما يأمران به. قال ابن حجر الهيتمي "وحيث نشأ أمر الوالد أو نهيه عن مجرد الحمق لم يلتفت إليه أخذا مما ذكره الأئمة في أمره لولده بطلاق زوجته". (2) ترك طاعة الوالدين فيما فيه مضرة لك أو فوات مصلحة ظاهرة يشق تحصيل بديلها عليك. فلا تجب طاعتهما في فراق زوجة ولا في أكل طعام لا يُشتهى ولا في ترك عمل ظاهر النفع أو درس علم تحتاجه أو عمل تطوعي ينفعك، بشرط أن تتفادى في ك...

هناك نوع اليتم هو يتم الوطن من ليس له وطن تجده جعان للانتماء عرضة للاستغلال والتوظيف من كل مستغل جوعه للانتماء ومن يعيش في شبه دولة قائمة على شبه وطن مثل يتيم في مؤسسة رعاية قائم عليها لصوص قساة القلوب فقراء العقول ياكلون طعام ايتامهم ويسيئون اليهم ثم يتسولون بمنظرهم البائس او يطلقونهم للتسول بلا حماية ثم يشاركونهم في صافي الايراد يتيم الوطن لم يجد من يحنو عليه الا ليجنده او يستغله ليمتص دمه وعظامه #السيستم_واقع

محاولة -غير منهجية- لفهم عقد ومخاوف المصريين ملاحظات منعا لسوء التفاهم : - لفظ "المصريين" هنا اقصد بها غالبية من اعرف من المصريين ممن اعتبرهم المصريين العاديين مع استبعاد المصريين الفاسدين والمصريين الثوريين - عوام الناس ربما لا يعبرون عن تلك المخاوف الوارد ذكرها بالخاطرة بذلك الوضوح لانها ليست واضحة لديهم ولكنها محاولة ذاتية مني -ليست موضوعية ولا منهجية- لتفسير مخاوف رجل الشارع المتناقض لفظيا وسلوكيا ووجدانيا وفكريا كما يحاول طبيب الاطفال تفسير شكوى طفل لا يستطيع ان يفرق في شكواه بين الغثيان والمغص ندخل في الموضوع  المصريين يحبون الحرية ويخافون منها حيث ان لديهم شعور ان حرية ابنائهم وجيرانهم حتى وان لم تؤدي الى فوضى ولكنها ستكسر كل القيم التي اعتادوها وتربوا عليها وظني ان تلك المخاوف في جوهرها حقيقي وليست مفتعلة وان كان التعبير عن تلك المخاوف قد ياخذ اشكالا عصبية او هزلية او هوسية لكن جوهر المخاوف حقيقي لان حرية الاختيار والتفكير والنقد معناها ان من حق اي فرد اعادة فرز كل قيم الجماعة والاقتناع او عدم الاقتناع بها كلها او بعضها وبالتالي اعادة فك وتركيب منظومة القيم...

في كليات قمة وهي الكليات التي تؤهل لسوق العمل وكليات الغرق في القاع اوعى تدخلها ودور على شغل ولو مالقيتش اقعد ع القهوة بدري واخدم الوطن سنتين بدل سنة واحدة واتعلم حرفة ولغة وهاجر ممكن بس تدخل كلية قاع تاجل بيها التجنيد عشان تلحق تتعلم لغة وحرفة عشان تهاجر واوعى تصرف مليم على حضور محاضرة او شراء ملزمة وفر فلوسك عشان تقعد بيها ع القهوة وتتعلم بيها لغة وحرفة عشان تهاجر اللي يقولك شهادة تتجوز بيها لا تقبل شهادته لان الشهادات مش للجواز الشهادات لسوق العمل ويوم ما يبقى معاك شغل كويس وفلوس كويسة وجواز سفر دولة حقيقية انت اللي هاتتخطب #اوعى_يضحكوا_عليك_زي_ما_ضحكوا_علينا

حرية الاختيار حق وغاية في ذاتها وليست وسيلة او طريق علينا ان نبين مزاياه ونقارن بينه وبين غيره من الطرق او الوسائل لكن لظروف بيئية محلية استثنائية جعلتنا بمعزل عن فهم ثقافة البشر الاحياء نضطر احيانا لسوق المقاربات لاثبات وتسويق البديهيات حرية الاختيار اذا اتيحت امام شخص او اسرة او مجتمع على سبيل التجربة او نتيجة انهيار مفاجئ لسلطة الجبر فان حرية الاختيار المؤقتة غالبا ما تثبت فشلها لان اغلب الناس يحن الى خبز امه وقهوة امه وسلطة امه بعد ان تغيب امه ولو كان متمردا عليها اثناء وجودها العائد الفوري لحرية الاختيار غالبا ما يكون الانحياز الى الاختيارات المألوفة ويكون الصراع داخل مخيمات الاغلبية ما بين معسكر اختيار المألوف في ثوبه المألوف ومعسكر اختيار المألوف في ثوب غير مألوف غير ان هناك اقلية يجتاحها التمرد وتختار الانحياز الكامل للتمرد الكامل وغالبا ما تفشل وتثبت لمخيم الاغلبية صحة وجهة نظرها غير ان هناك اقلية نادرة جدا تسعى نحو بحث اختيارات نادرة وخارج صندوق الاختيارات سابقة الاعداد في زمن الجبر ومنهم من يتوه ومنهم من يصل الى صناعة فرق حقيقي يغري كامل المجتمع في التقليد ومحاكاة ا...

وزيرة الصحة قالت كلام هبل "السلام الوطني" ثم نسب اليها اشاعة "صوت السارينا" صدقها الناس وتداولوها على اساس انها هبلة وبتهبل وممكن اي نخعة تطلع منها ثم يتم تكذيب الاشاعة بواسطة التعريص الحقاني الجميل اللي بنفخر ونعتز بيه فيصبح شكلنا وحش وبنكذب وبنشم كلة والوزيرة وريسها تمام التمام واحنا اللي حاقدين ع البلد وواقفين في سكة وصولها لواحد وستين داهية باقصى سرعة ممكن بقى نبطل نجيب اجوان في نفسنا وانا بقول الكلام ده لنفسي قبل غيري لاني شيرت كلام ثبت عدم صحته اكثر من مرة خلال الاسابيع اللي عدت رغم اني كنت حريص لكن كان لازم اكون احرص من كده #السيستم_لازم_يرجع