السيستم واقع

اسباب نفوري من اغلب الدراما المصرية : - الكربلائية وتبرير الهزيمة وتمجيد التضحية والاحتفاء بانكسار البطل القفل امام الفهلوي الناجح - النمطية والتكرار في الموضوعات والشخصيات والرموز - الترميز الاهبل "مش هانبيع بيت ابونا كرمز لعدم التفريط في الوطن" - الاتجار با لنكد "بيجيب مع المصريات" - الواقعية المقرفة "لازم اصور لك الزبالة ثلاثية الابعاد" - اعتبار الغموض او الفجاجة او الافورة دليل على العبقرية  

تخيل لو انت شيوعي و يجيلك شوية ليبراليين يقنعوك انك تطور و تجدد الخطاب الشيوعي ليستوعب احتياجات العصر و انا اجدد لبسي على مقاسك انت ليه؟ هل الفكر الديني الاسلامي في حاجة الى تجديد ؟  اظن ان كل المسلمين مقتنعين انه بحاجة الى تجديد و لو بطريقة ان باقي المسلمين المفروض يكونوا شبهي "سلفيين شبهي - صوفيين شبهيي - شيعة شبهي - طيبين شبهي و هكذا" لكن هل يظهر التجديد و ماسورة مسدس السلطة مغروسة في فص دماغك اليمين و حد سكين الارهاب على حلقك و كل واحد فيهم بيقولك جدد و يا ويلك لو التجديد ماعجبنيش ! و يا سواد ليلك و خراب بيتك لو تجديدك عجب الناس التانيين و مكانش فيه الحاجات اللي على مزاجي و في نظرية اخرى في التجديد الديني اننا نجيب شيوخ بلاستك و نمنحهم بطاقة حشيش مجانية و مفتوحة لاي استهلاك يحتاجونه لأن التجديد محتاج مزاج و لا عايزين التجديد يهرول و يبهوق و يبقى شكل تجديدنا تعبان و يضحك علينا اعداء الدين طيب لما نكون عندنا تصور نهائي للتدين المجدد "متسامح و خفيف الظل و مش بيزعل حد و حنين على الفقرا و طيب مع الاثرياء حلو للشعب و مهذب مع السلطة يعني حاجة كده زي الاكسجين بيخدم الكل ...

ربما يريدون حجب الشرعية عن المواقع هو مايقدرش يمنعك تشرب سجاير لكن تشربها في الحمام

اغلبنا متفق ان اهم عبادات المسلمين "الصلاه والصوم والحج وقراءة القرن" لم تعد تنتج اثار ايجابية على حياة المسلمين لكن لا بأس "مش مهم المضمون" المهم استكمال الشكل واغلبنا عنده يقين داخلي انه لو قابل ربنا وهو مستوفي الشكل سيفلت يوم الحساب "لن ينال الله لحومها ولا دماؤها ولكن يناله التقوى منكم" "الا من اتى الله بقلب سليم" دين القرآن فلسفي اكثر مما نتخيل ودين المشايخ بيروقراطي اكثر من مدام عفاف

وجدتكم لا تستمعون لصوت الاعتدال فعبرت عن اعتدالي بتطرف

البعض يستدل بالقبض على النشطاء على عدم جدوى انتخابات الرئاسة مع ان نفس الاستدلال يثبت عدم جدوى التظاهر والثورة والمشي في الشارع انا لا مع ولا ضد انتخابات الرئاسة بس زهقت من العبط والمزايدة وتكسير المقاديف والحوارات الهابطة وكل مظاهر اهبلة الثورة ومراهقة الثوار

سؤال لاهالينا كبار السن و كثير من المرضى و الطلاب في امتحاناتهم و العاملين المتاكدين من ان الصيام سيؤثر على انتاجهم و تعاملاتهم لماذا لا تفطرون في رمضان؟ هل تتخيلون ان الله تعالى عندما قال في آية الصوم "يريد الله بكم اليسر و لا يريد بكم العسر" انه لم يكن جادا في قوله و انه كان بيعزم علينا كما يقول احدهم "ما تخلي" طالما انكم جامدين جدا و معندكمش مشاكل مع الصيام لماذا اذن تقللون انتاجكم في رمضان و تكثرون من الشجار و البعد عن السكينة و السلام و تحقيق اهداف الصيام اللي مش قد الصيام مايصومش و معاه رخصة من ربنا بكده و مش من حق حد يحاسبه و يتأكد من صحة رخصته و لا بياناتها

غياب الديمقراطية "حيث لا رئيس ولا وزير دفاع يحاسب امام برلمان او راي عام" أدى لحدوث الهزيمة وأدى الى عدم استثمار صدمة الهزيمة في تصحيح الاوضاع كما يحدث لدى اي شعب نام فأيقظته فاجعة وكل أسباب وعوامل هزيمة 67 لاتزال موجودة "وبتلعب وبتتلاعب بينا" تزعم الاسطورة "اننا مش بنفوق غير على كارثة" لكن ما أراه واقعا ان الكوارث لا تزدنا الا غيبوبة مثل مجموعة بشر في غرفة مغلقة كلما نقص الاكسجين كلما ضعفت قدرتهم على فتح شباك لتجديد الهواء بعد هزيمة تيار الديموقراطية عمليا "بعدم تحقيق اهداف ثورة 19" وهزيمته معنويا وفكريا واخلاقيا "بتولي النحاس الوزارة على اسنة حراب الانجليز" تهيأت الساحة امام الاخوان ومصر الفتاه والمجموعات الشيوعية والمعجبين بفاشية هتلر ومركزية ستالين ليضعوا الاساس الفكري لدولة يوليو وكان القاسم المشترك بين اقصى اليمين واقصى اليسار هو مصادرة المجال العام وعدم الثقة في الجماهير و اعتبار الرأي العام غوغائية وشم كلة وتنظير فارغ والنظر الي الجماهير كمادة استهلاكية خلقت لشد الحزام والتضحية بالروح والدم فداء لخطوات الكفء السلطوي ...

لا تمنح شخصية عامة الثقة لا على موقف واحد مشرف ولا على مجمل اعمال تبدو مشرفة احنا لازم نبطل نحسبها بالمبادئ والقناعات خالص لانها بتطلع في الغسيل اولا و لان سهل تزييفها ثانيا و لان مدعي المبدأ بيعرف يدعيه اكتر من صاحب المبدأ الحقيقي "كم مصلي حقيقي بيعيط في صلاة الظهر بانتظام 😿 " احنا نوحد المقامات علشان نسهل الحسابات ونخلي المعركة معركة مصالح و نحول مبادئنا لمصالح و نشوف مين مصلحته معايا و مين مصلحته ضدي  انا عاوز امن ولقمة عيش وحرية تعبير وديمقراطية وحقوق انسان ومناخ اقتصادي اعرف اشتغل فيه و اتعايش معاه اللي يقدر يقدمني خطوة من المصالح دي حتى و لو هو غير مقتنع بأي منها يبقى حليفي في الخطوة دي و ممكن يبقى عدوي قبلها و بعدها تمكفل حتى لا يفترسك الميكافيلييون

علشان ابقى بعبعت و طلعت اللي في قلبي 😧 احنا سذج قوي قوي قوي ... عارفين ليه؟ لاننا بننجر لمعارك محسومة سلفا لصالح الطرف المجرم ماشي خصمنا مجرم و اهبل و فاسد لكن يفترض اني لما الاقي الخصم تصرف تصرف "مش ممسوك" اي عيل بتلاتة ساغ يطلع يرد فيه علينا بانها حرية شخصية و مش من حقكوا تتدخلوا في حياة الناس الشخصية و يلبسنا الغلط و يبقى معاه حق ويبقى العيب عندنا و السذاجة متسجلة باسمنا و نستحق وصف رعاع واكتر من رعاع كمان في فيلم Spotlight لما كان فريق البحث بيجيب ادلة موثقة جدا على حالات فساد داخل الكنيسة كان رئيس التحرير بيقول لهم صحيح الحالات موثقة و كتير و متعددة و متكررة لكن ممكن يترد علينا بانها حالات فردية او ظاهرة محدودة من قلة او من فئة مجرمة و خلاص لكن انا عايز و لو دليل واحد قاطع على وجود تواطؤ و فساد مؤسسي "ان الجهات المعنية عرفت و تسترت و ساعدت المجرم على الافلات و استئناف فساده في مكان اخر" و في حالة عدم وجود دليل على التواطؤ المؤسسي لن اسمح بالنشر