السيستم واقع

ويسئلونك: هل يجوز تهنئة السيساويين في اعيادهم والقيام لهم في المواصلات؟ #السيستم_واقع

اللي اخترع مفهوم ان الناس تموت عشان القضية تفضل حية هو نفسه اللي اخترع مفهوم "ان عطش اللواء سكب الشباب له الدماء" وهو نفسه اللي دخل عقيدة الصلب المقدس الى الاسلام تحت غطاء استشهاد الحسين وهو نفسه اللي قدم مفهوم التضحية والغضب والجعجعة وعباس الضو بيقول لاءااا على مفاهيم التخطيط والتفكير والدراسة ومكر الليل والنهار اللي مفيش حد بيكسب قضية غير بيهم حتى ولو افترضنا ان المجتمع الانساني اصله مزرعة دواجن فلازم نعرف اننا اتطورنا ومش لازم نفضل دواجن للابد ولازم نبطل اللي يعطلنا وننضف دماغنا من مخلفات الشئون المعنوية بتاعة العصور المختلفة مش معقول يعني كل المخلفات دي تفضل في دماغنا ومستغربين ان السيستم واقع

المسبب والمصدر الرئيسي للغباء من ساعة الثورة وحتى اللحظة كان العند المتبادل فاللي عاوز الاسعار تزيد عشان اللي انتخب السيسي يندم واللي عايز الموظفين يتسرحوا عشان يثبت بعد نظره واللي عايز رجال الاعمال يفلسوا عشان يحرموا ومفكر انه كده بينشر الوعي مع انه هو ذات نفسه لسه ناقصه وعي تحذيري لصاحبي من زيادة السرعة في السواقة مايخلنيش اتمنى له يعمل حادثة عشان اثبت صحة كلامي #السيستم_واقع

هي صحيح بتغني للسيسي بس جميلة وبسيطة ومش مبتذلة   غناء الست دي اكد لي ان اللي مخنوقين من الرقص قدام اللجان مخنوقين من الرداءة والابتذال اكثر من خنقتهم من خصم سياسي او من اختيار سياسي مضاد او مختلف

من حقهم يشوفونا جيل فاشل ومن حقنا نشوفهم جيل مخدوع #السيستم_واقع

وامدكم بناخبين لم تروها السيستم واقع

لو سهل تدفع الغرامة الانتخابية لنفسك تقدر تدفعها لعشر مواطنين غير قادرين ؟! مش مجرد سؤال ده دعوة للتفكير وتقييم ردود افعالنا اللي بنكتبها وممكن تترجم نفسيا ازاي عند فئات من الشعب مش هاترد عليك بس هياثر فيها خطابك بالسلب السيستم واقع

قيل له لا يستطيع احد ان يعيد عقارب الساعة للوراء فقام واعاد عقارب الساعة للوراء فبهت الذي عقل السيستم واقع

المصريون يعشقون الرقص ويكرهونه  الرقص كان حاضرا في الثورة وفي الانتخابات وفي اعلان نتائج الفوز في الانتخابات وفي الافراح وفي اعتصامات الاخوان وفي مناسبات السلفيين المغلقة  وعندما راجعت نفسي في غضبي من مشاهد الابتذال الراقص في مهزلة ما يسمى انتخابات رئاسة وجدت ان الرقص كان حاضرا حتى في ثورة يناير حيث كان البنات يرقصن في الميادين على انغام "هو يمشي مش هانمشي"  الرقص موجود عند كل الشعوب لكن الرقص المصري اراه رقص مبتذل بسبب الادانة الاخلاقية المبدئية في مجتمعنا للرقص مما جعله ممارسة منتشرة سلوكا لكن مشينة خلقا في احدى ثنائيات وازدواجيات شعبنا الكثيرة والمنتشرة وغالبا اي فعل مشين اخلاقيا في مجتمع ما لا يتطور لان المجتمع لا ينظر له باعتباره فن فلا يمارسه في العلن باستمرار او احتراف الا ساقط اخلاقيا من وجهة نظر المجتمع "او الطبقة الوسطى منه" او كنتيجة انفعال زائد من سيدة وقور في عرس ابنتها فيتم غض الطرف عنه باعتباره حاجة وعدت غير مسموح بتحويلها لمسار فني محترم اجتماعيا ولان الرقص المصري مبتذل فنيا ومدان اجتماعيا فانه دائما ما يعظم في عينك وانت ابن المجتمع المزدوج م...

هذا وقد عاد وليد الشريف لرشده وتاب وانتخب 

انا اللي عاجبني في وليد الشريف انه مش مجرد راجل في وسط امعات او انه ثائر سائر ضد التيار اللي عاجبني انه اجبر عيلته على احترام رغبته حتى ولو بيشتموه انا لولا اني خايف ان البطل العاق وليد يظهر في فيلم في اليوم الاخير للتصويت وقبل غلق باب اللجنة بخمسين جزء من الثانية ويقول استنىىىىىى انا داخل انتخب ابويا وولي نعمتي ويتصور والدموع مالية عينيه وهو بيحب على ايد امه وابوه وبيعتذر لهم على كل يوم ضيعه من غير ما يقول اذكار الصباح والمساء التي تبدا بتحيا مصر وتنتهي باية الكرسي وما ادراك ما الكرسي لولا خوفي من هذا السيناريو البائس لقلت ان الامل في وليد الشريف اللهم بارك في وليد وطول لنا في مدة صلاحيته يا قادر يا كريم ولايزال السيستم واقع -------- اضافة وتعديل هذا وقد عاد وليد لرشده وتاب وانتخب 

كل محاولات تهدئة وتبريد المفاعل النووي المشتعل داخل النفس من كتابة وسخرية والانشغال بشئ من السفاسف والانشغال بعظائم الامور الخارجة عن نطاق التفاعل اليومي المباشر والزام النفس بالتسامح والتغافر والنسيان والتغاضي حتى عن حماقات الذات كل تلك المحاولات والاحتيالات على الذات تثبت لك وقت الجد وعند اول اختبار انها لم تهدئ البركان ولم تبرده ولم تعالج الغضب التراكمي العميق وما هي الا احتيالات بائسة تبرد السطح الظاهر للاخرين ثم السطح الاعمق قليلا الذي لايراه احد غيرك لكن في المستوى الاعمق البراكين تتفاعل وتلتهب وتاكل في انسجة الجسم -واقعيا لا مجازيا- وتنحر في الذاكرة وتحرق كل ما هو عميق في ذاتك وبدلا من ان تنشط محاولات التبريد في الحفاظ على كيانك فانها تخدعك وتخدع من حولك ليستفزوك او انت نفسك تستفز ذاتك ويغرك ويغرهم السطح البارد وما يحدث في الذات ربما يحدث مثله او شبيهه في المجتمع وعلى المستوى العام ولان كرة اللهب في كل الاحوال مشتعلة فلعل اخراجها في مواجه من اشعلوها ربما يكون افيد رغم عظم اضراراه من اخفاء كرة اللهب داخل الذات الواحدة او الكيان المجتمعي  ربما لو صفعت مديرك واترفدت فورا ث...

هما رافضين الديموقراطية رغم ان الاغلبية معاهم ورافضة الديموقراطية زيهم وفي كل تجربة كانوا بيستخدموا الخيار الديموقراطي لرفض الديموقراطية بما ان الاغلبية معاهم قلبا وقالبا وحتى خصومهم الشرسين شركاء لهم في رفض الديموقراطية الا انهم لا يريدون الالتجاء للاغلبية وتحكيمها التي يعلمون سلفا انها في صالحهم لماذا؟ استسهال لسه هانقنع بقى وننجح باغلبية الثلثين ونضطر نتحالف مع اللي يسوى واللي مايسواش ونراضي ده ونضطر نضحك في وش ده وندادي الاعلامي ده والمقاول ده وسمسار الاصوات دوكه لاء احنا ناخدها من قصيرها ونستخدم رفض الشعب للديموقراطية في حرمانه منها ونشاركه في التمثيلية البايخة اننا قال يعني عندنا ديموقراطية احلى من ديموقراطية الجيران بتشف وترف على حبل الغسيل ولا ديموقراطية مدام نظيفة في عزها الغريب ان رغم عداء الغالبية لفكرة الديموقراطية الا انهم لا يجرؤون على اعلان ذلك العداء الا نادرا .. ليه ؟؟ عشان بيتكسفوا  يعني الجيران يبقى عندهم نيش وسفرة وصالون وديموقراطية واحنا معندناش !!!!! لاء ودي تيجي !!!!!!!!! السيستم واقع

لامني ولا يزال يلومني في كل لقاء تقريبا لانني منذ خمس سنوات تحدثت عن شخص ما "من عوام الناس ليس سياسيا ولا رمز ديني" تحدثت عنه بحب وانبهار ثم اثبتت الايام انه لم يكن يستحق هذا الحب والانبهار واذا بك تجد جل من حولك صار لائما لك اما عن براءتك وسذاجتك السايقة واما عن حماقاتك السابقة اظن ان من اهم عيوب تلك المدينة القرية -التي لفرط سذاجتي احبها- ان قانون الانتخاب الطبيعي فيها يؤدي الى وأد البذور السليمة مهما اجتهدت في ريها ورعايتها بينما البذور المشوهة والفاسدة اذا وقعت منك ولو بطريق الخطأ او ساهمت خطواتك فوقها في غرسها دون ان تراها فانها تنبت وتزهر وتترعرع وتتكاثر وتلتف وتتشابك وتسد عليك كل منفذ حتى تخنقك السيستم واقع

العلماني المشغول بالترحم على الموتى اكثر تفاهة من السلفيين والمشايخ لان انشغال المشايخ بتك الرموز هو بالنسبة لهم عقيدة ينبني عليها نسق كامل من السيطرة على الاتباع لكن العلماني المشغول بتلك القضايا مش لاقي بوصلته ولا شاغل نفسه بانه يدور عليها وهو فقط مهموم بالتمرد على رجال الدين طمعا في انهم يا اما يضربوه فيشهروه قدام نفسه يا اما يفسحوا له مكان جنبهم ويستوعبوه استيعاب العسكر للثورة لو ان العلماني المصري قرا في العلوم والفلسفة نصف ما يقرا السلفي في تراثه ساعتها ممكن تخلفه يقل الى حد كبير ويصير مكافئا للسلفي في التخلف وقادرا على مناقشته في قضايا عليها الطلا ويتعادل معاه واحد واحد او صفر صفر

اقبال مفيش اقبال واهى بهوئت مننا اصواتنا فى السنغال ضعف اللى كانت عندنا جايز يومين اتنين مايكفوناش كلنا قاموا زودوا كمان يوم فعملنا مش من هنا دة لاننا كان عندنا شد فى رجلنا كلنا  كلنا جة يوم الاربع بالليل قولت انا هانزل  مرتاح مالقيتش غيرى انا فى البيت ومكانش معايا  مفتاح قولتلك انا اعدى عليك بس اتصرف فى كوريك الاربع عجلات نايمين وانت شايفهم بعنيك جايز يومين اتنين مايكفوناش كلنا قاموا زودوا كمان يوم فعملنا مش من هنا دة لاننا كان عندنا شد فى رجلنا كلنا  كلنا وانا ابويا كان قاعد جوة وماسكلى حزام فى ايدية وحابسنى معاة بالقوة والشر باين فى عنية هاركب توكتوك واتمرمط مش طالبة الجو خنيق مش هانزل بقى واتشحطط انا مش مندوب  تسويق جايز يومين اتنين مايكفوناش كلنا قاموا زودوا كمان يوم فعملنا مش من هنا دة لاننا كان عندنا شد فى رجلنا كلنا  كلنا عدد اللى قاطع فى اللمون اشمعنى انا اللى انتخب لو داخل انا سحب بكبون كان يبقى ازحم  من كدة حتى الحبر الفوسفورى مبقاش يطلع من الايد وانا لازم اشيلة ...

اغلب مسلمي مصر اخرجوا كهنة الجوامع من السياسة فهل يفعل مسيحيو مصر مثلهم حتى لا تكون فتنة ويكون الوطن للجميع ليس من مصلحة اي طائفة او فئة ان تتحالف مع القوي المؤقت ضد الاغلبية الباقية اخر خدمة الغز علقة  اخرجوا الكنيسة من السياسة

قالوا ايه علينا دولا وقالوا ايه؟ اول ما شفت صورة من قرار اداري بتعميم اغنية بهذا العنوان على المدارس في احد الادارات التعليمية تصورت انها احدى تهويلات الديناصور الجريح ودعاياته ضد الديناصور المترنح ولما سمعت نص الاغنية ظننت انها تريقة وسخرية رديئة من اغنية كنت اتوقع انها رديئة لكن ليس بكل هذا الحجم من البواخة ولما شفت اول فيديو لاذاعة مدرسية الاطفال بيرددوا العبط ده فكرت ان الفيديو مسرب بغرض الزعزعة والبلبلة والنيل من صورة اداء التعليم المصري بكف حقيقته لكن وجدت ان من نشر الفيديو هو صفحة تابعة لادارة المدرسة تشكر المدرس المشرف على البتاع ده "النشاط" وتكررت الفيديوهات حكومي وخاص وعربي ولغات ورأيت مديرين ومدرسات الزومبي منهم والاموات يقدمون فروض الطاعة والولاء باظهار الهز المقدس مع ما يفترض انها نغمات صيحة عسكرية ما كان لها ان تخرج ابدا من سياقها الانساني المحترم انا واحد من الناس ممكن ادندن مع نفسي لنفسي بكلمات عبيطة جدا من تأليفي وتلحيني واخجل جدا جدا ان حد يسمعها واعرف من ايام الكشافة ان ممكن فوج في مخيم ترفيهي يكون لهم صيحة خاصة او جملة لا معنى لها سوى في عقل ووجدان ...

فيلم Three Billboards Outside تحسه فيلم من الصعيد الجمهوري في امريكا فيلم عجيب في الواقع الذي يعبر عنه يخليك شايف بلدة شديدة التخلف في كثير من جوانب الانسانية لكنها تنعم بخدمات ربما لا تتمتع بها عواصم المحافظات في مصر وربما اكثر احياء القاهرة اناس يرتعون في التخلف والعنصرية والجاهلية والبداوة لكنهم في النهاية يتصارعون حول تطبيق القانون وربما بمعنى ادق يكافحون بأدوات "السيستم" لمنع وقوع "السيستم" وجعله اكثر كفاءة ويستخدمون ادوات اتاحتها لهم الديموقراطية لتحقيق ما يرونه عدل او بالمعنى الادق تحقيق قدر اكبر من توازن القوى فيلم كامل مافيهوش جملة ناعمة فيلم خشن يعبر عن واقع خشن وعقليات خشنة ليست متحضرة بما يكفي ولكنها قوية بما يكفي للحفاظ على توازن القوى والردع المتبادل الذي يجعل الواقع في النهاية قد يبدو هادئا لبس لانه ساكنا لكنه الردع المتبادل والثورات المتكافئة والرماد الذي يبدو مستقر فوق بركان هادر من التناقضات التي صنعوا منها حياه افضل في كثير من جوانبها المادية بل والانسانية لمن اراد ان يستمتع بالثمرة الانسانية دون ان يشغل نفسه بمصادر تغذية الجذور الناس دي احنا...

انا شايف نفسي ان تركيبتي الاصلية اللي بقيت مش عارف ارجع لها بشكل كامل لغاية النهارده اني ماليش دعوة بحد بالذات في سلوكه الشخصي وان حماسي للاشياء والافكار يكون معتدل "مزاجي في طفولتي حتى الطفولة المتاخرة كان كده " لكن في سنوات المراهقة حاسس ان السوفت وير اللي ركب على دماغي في فترة المراهقة ثبت كثير من سمات المراهقة ربما الى الان في وفي ملايين اخرين في اواخر الثمانينات واوائل التسعينيات كان موضوع الامر بالمعروف والنهي عن المنكر ده و مسئولية المسلم عن تغيير المنكر حديث متداول في خطب الجمعة بتاعة الازهر والاوقاف وحلقات المساجد "الاخوانية غالبا" ومدرسين التربية الدينية والعربي حتى المسلسلات الدرامية كان دايما فيها المعنى ده وان كان بشكل مش ديني "ابو العلا البشري مثلا" وانا فاكر كويس جدا وانا باسمع لخطيب اوقاف ازهري مش جماعات ولا حاجة كيف اني مسئول عن تقويم افعال الاخرين وان الله لن يتقبل عملي ولن يستجيب دعائي طالما لا اقوم بفريضة الامر بالمعروف والنهي عن المنكر وكان داخلي صراع نفسي رهيب وانا باتخيل نفسي مشتبك مع كل حاجة غلط موجودة في الواقع "ايام ما ...

وقالت ام بدوي : هننزلوا البدروم يعني هننزلوا البدروم وقيل لها: مابلاش يا ام بدوي .. يا ام بدوي بلاش ثم نزلت البدروم ومنذ ذلك اليوم عرفها العامة في بر مصر بالهبلة الحمارة ام بدوي

مدرسة دمنهور_الثانوية_الزراعية بتقدم خدمة بيع محترمة لمنتجات الالبان وبعض المخبوزات باسعار منخفضة نسبيا وبمستوى جودة افضل من متوسط الجودة في المحلات لكن لانهم في الاخر حكومة فلابد من منغصات زي انهم يديك المشتروات في كيس بدون ايد عشان يقع من ايدك بسهولة في الشارع لغاية ما تتعود على مسكة الكيس ودي حاجة اتعودنا عليها بقالنا سنين وعادي وبرضه التواجد بشكل مستمر تحت شباك منفذ البيع الخاص بمنتجات الالبان وبشكل مستمر خلال ساعات الليل متسولة منقبة جالسة تحت الشباك مباشرة من الناحية الشمال ومتسول زاحف على ركبتيه على الجانب الايمن وطفلة تتحرك خلفك والجميع رؤوسهم في مستوى جيبك والتشكيل ثابت لا يتغير ابدا في اي يوم الا اذا كان الزاحف على ركبتيه يقوم بمسح احدى السيارات الراكنة بفوطته القذرة حتى ياخذ حسنته مقابل الكف عن سيارات المشترين من منفذ البيع والجدير بالذكر ان المكان يقع على بعد اقل من مائة متر من استراحة السيدة المحافظة نادية_عبده واستراحة السيد مدير الامن من حوالي اسبوع كلمت الموظفين في شباك البيع ان مقلب الحرامية ده غير لائق فقال لي الموظف بلهجة متراخية هانعمل لهم ايه بس ؟! قلت له ما...

"بيئة التطرف فيها نماذج مميزة تجتذبهم من مطاريد بيئات التميز" الفكرة دي على بساطتها غائبة عن اذهان كثير ممن يحللون الظواهر الانسانية وكانها ظواهر مادية بحتة فاذا قيل لهم جودة الثقافة والتعليم وفرص التنمية تلفظ التطرف تجدهم يسارعون لالتقاط النماذج المتطرفة ذات الثقافة والعلم والتخصص المهنى لاثبات العكس في حين ان تحليل الظاهرة الانسانية وارد فيه جدا ان الاستثناءات تقترب من الـ20% في حين ان القاعدة العامة في الانسانيات لو وصلت الى 80% تبقى قاعدة متينة جدا

يمكنكم قراءة  الخطوط العربية في ملفات PDF في كلا نظامي الويندوز و الماكنتوش ولينوكس Arabic fonts in PDF  اغلب  مشكلات قراءة الخط العربي في ملفات PDF  باستخدام ثلاثة خطوط عربية غير متوفرة ببعض الاجهزة وهي : Transparent Arabic fonts Simplified Arabic fonts Traditional Arabic font - يمكنك  القيام بتحميل الخطوط من الرابط ادناه  اضغط هنا - فك الملف المضغوط ستجد فيه مجلدات الخطوط العربية Transparent Arabic fonts Simplified Arabic fonts Traditional Arabic font وفي المجلدات الخطوط حسب الترتيب  artro.ttf = Arabic Transparent artrbdo.ttf = Arabic Transparent Bold simpo.ttf = Simplified Arabic  simpbdo.ttf = Simplified Arabic Bold  simpfxo.ttf = Simplified Arabic Fixed  trado.ttf = Traditional Arabic تلك هي أكثر الخطوط العربية المطلوبة لاظهار النص العربي بملفات PDF For Microsoft Windows users: - لمستخدمي ويندوز, من لوحة التحكم فتح مجلد الخطوط وثم أضف كل ملفات الخطوط هناك  Control Panel > Fonts > .. click and drag files Apple ...