السيستم واقع

الفهلوة و الدروشة كلاهما هو نفس الانسان الذي يريد ان يستوفي الشكل اذا كانت عواطفه الدينية عالية فهو درويش يلفق اي شئ مع اي شئ و عنده ثقة ان ربنا معاه و هايعديه لان اللي معاه ربنا يمشي على الماية نفس ذات الانسان لما الدنيا تاخده و يكون بقاله فترة ماقعدش يعيط و ينهنه ورا شيخ بيقول كلام هو فاهمه او مش فاهمه فبيلاقي نفسه بقى فهلوي يعني بيقوم بنفس عملية التلفيق باعتبار تستيف اوراق الشغل اهم من الشغل ذاته وفي الحالتين الدرويش و الفهلوي بيفرحوا قوي بمفاهيم التدين المحاسبي "التسبيحة بنخلة و الحرف بعشر حسنات و الحسابة بتحسب" لان لو الحساب ماشي كده يوم القيامة فهما كده ضامنين ان التنسيق هايدخلهم في مكانة اعلى من ابو بكر الصديق و عمر بن الخطاب و علي بن ابي طالب لان اوراقهم متستفة اكتر مش فاضل بس غير مكان فاضي في نهاية صفحة حياته سايبه لختم شهادة "لا اله الا الله" من عند مدام اعتماد في الدور الرابع لو عدى بيه في اللحظة الاخيرة يبقى نجم النجوم و هايبقى رفيق صدام حسين و الحجاج بن يوسف الثقفي في الجنة لان كلاهما نجحا في الحصول على ختم مدام اعتماد من الدور الر...

ظني ان اللي عايش حيوان مستريح و منسجم مع متاعب حيوانيته باعتبار انها ضريبة الحيوانية وكذلك اللي اختار انه يعيش انسان المشكلة في اصحاب الاعراف اللي طمعانين في اللذتين فبيدفعوا الضريبتين

اساس الديموقراطية تكافؤ القوى و ليس الثقافة روسيا في عز ما كان شعبها مثقف "بمعايير زمنه" كان مستعبد بينما رعاة البقر في امريكا في ذروة همجيتهم كانوا اقرب للحرية لو اعتبرت ان الديموقراطية ثقافة يبقى التأهيل لها محتاج توعية و تعليم لجموع الشعب فرد فرد او تروح للسلطة تقولها يا سلطة ممكن حضرتك تحسني التعليم علشان الشعب يعرف يتاهل للثورة على اخطاءك و مقاومة ظلمك و اسقاطك و طبعا هي هاتفرح بيك قوي و هتمسكك نادي البرلمان الصغير "و ان كان التعليم احيانا يدخل في ميزان القوى بدرجة ما لو تضمن ما يساعد المتعلم على مراكمة الثروة او حتى الاستقلال المادي او القدرة على التشبيك و تكوين فريق" لكن لو اعتبرت الديموقراطية تكافؤ قوى يبقى طريق التأهل لها مختلف تماما تماما و على فكرة كل الحكام مهما كانت درجة غباؤهم يعلمون ان الديموقراطية تكافؤ قوى لكنهم يضحكون على شعوبهم و يدعون انها ثقافة حتى يعمقوا فيهم احتقار الذات و المزيد من الدونية و تكون ذروة نضالهم مجرد كلام يسهل محوه بكلام اخر

جون اولد مان - رجل الكهف في فيلم  The Man From the Earth سخر ببساطة من حلم البشر بالخلود و طول العمر العابر للاجيال فما قيمة ان تحب اناس تراهم امامك يموتون في عمر الزهور مهما طال عمرهم و ما قيمة ان تعمق صداقاتك باناس ستضطر لفراقهم لا محالة مهما ابدوا من تمسك بك لكنه بمثابة تمسك الطفل بما يضره او بما لا يتحمله او بما لا يستوعبه  جون اولد مان مع اصدقائه من طاقم التدريس في الجامعة بمن فيهم اربع علماء في مجالات مختلفة كان بمثابة العبد الصالح مع موسى عليه السلام في سورة الكهف  كان اعلم منهم بحكم الخبرة و المعاينة لتاريخ تراكم العلم و كان اعلم منهم لانه حصل على عشرة رسائل دكتوراه في عشرة من فروع العلم المختلفة و كان اعلم منهم بانفسهم حين اعتقد انهم لن يستطيعوا معه صبرا و كيف يصبروا على مالم يحيطوا به خبرا رجل الكهف اضطر تحت الحاحهم ان يخبرهم قشورا من قصته و ظلوا يتفاوتون و يتارجحون في التصديق و التكذيب العلمي و الديني و الفلسفي و النفسي حتى اضطر اعظمهم علما و اكثرهم صبرا و موضوعية و ارغبهم في التعرف على المزيد و التعمق الاكثر في التجربة ان يصرح بانه لا يريد ان ي...

نظرية "كل نفسك بدل ما حد ياكلك" التي قالها احمد حلمي في احد افلامه تعبيرا عن المنافسة الاحتكارية في مجال المال و الاعمال هي اصلا نظرية قديمة في السياسة و ياما نزل السوق شيوعيين تقفيل امريكاني و معارضين تقفيل امني و دعاه صناعة شيطانية و تنويريين صناعة رجعية و ما كل هؤلاء الا : -هياكل "خيال مآته" لامتصاص فائض الطاقة او - افخاخ و طعوم لاصطياد الشباب الطاهر البرئ النقي اللي كلهم بيفخروا و يعتزوا بيه او -تطعيمات للمجتمع باشباه الافكار تدفع المجتمعات لفرز اجسام مضادة للافكار الاصلية #جل_من_حولك_غادر

الماكينة لا يمكن تطلع قماش و كونها فظيعة في استهلاك الوقود مش دليل انها هاتطلع قماش

تعرف منين انك لسه انسان ؟ انك تكون لسه بتتمنى من جواك تفريج كرب من اذا تفرج كربه سيعود الى ازعاجك و تسفيهك هي الانسانية في ظروفنا كده مرهقة دائما كمن يحمل حاسة شم قوية و يحبس في مزبلة مطلة على مستنقع

الصفقات السياسية ليست جريمة و مفيش حد في العالم بيعتبرها جريمة غير تربية "عباس الضو" و هما اصلا لو دوروا في تاريخ #عباس_الضو ممكن يلاقوه شئون معنوية اصلا و مدسوس علينا

س: كيف تكون الهجرة هي الحل اذا كان اكثر ما يكربني سوء احوال من احبهم اكثر من سوء احوالي انا الشخصية ففي كل الاحوال ستصلني اخبارهم المهببة , فان كان الحل في فقد الانتماء للانسانية فأرض الوطن هي افضل مكان تستأصل فيه انسانيتك و ليس ارض المهجر ؟ ج: في بداية التحاقك بالوطن البديل ستظل تتكدر بسوء احوال من تحبهم لكنهم سينتهون و ستنتمي الى فئة من البشر غير المكروبين لكن في ارض الوطن كل من تعرفه او ستعرفه هو مكروب محتمل لذلك الهجرة الى وطن بديل هي الحل الفردي الامثل لصغار السن

الناس عندنا مصممين يجربوا كل التجارب الخاطئة اللي عملها مستر اديسون في سبيل اختراع المصباح مع ان مفيش حد طالب منهم يتهببوا يخترعوا المصباح من اول و جديد اللي بيطلع من افيون الدروشة يخش على راسمالية القرن السادس عشر و لو طلع منها هيدخل على الاشتراكية الخيالية "اشتراكية ما قبل ماركس" و لو طلع من دي و دي و عمره ضاع عند محطة ستالين ييجي ابنه يقول لك انا مش متاكد من تجربة ابويا احنا نرجع للافيون تاني بس نتاكد من اننا ظبطنا مقاديره كويس المرة دي لان العيب مش في الافيون العيب في الجرعة و الطريقة

ثورة العقل تبدأ لما يبقى الانسان عنده اسئلة ملحة و لا هو موافق يكسل دماغه و لا موافق على الحصول على اجابات تلفيقية تسكينية ثورة العقل ممكن تبقى فردية مش لازم تستنى نزول الشعب للميادين ممكن تبداها لوحدك او مع صاحبك او مع مراتك ثورة العقل مش ان واحد يتطوع يثقف واحد و لا نخبة تثقف امة لكن هي تبدا من افراد يبحثون عن اجابات اسئلة في الكتب و في الحوار و في البحث و في الحياه و في الافلام و في الاحلام ثورة العقل لا تقتصر على السياسة و لا تنطلق منها بل هي تبدا من البحث عن اجابات اسئلة ربما شديدة الفردية من امثلة : لماذا انا كذا؟ لماذا افعل الشئ الفلاني؟ و ما الدليل على كذا؟ و من ادراني ان فلان اخبرني الحقائق؟ لو عايز تعرف تبدأ ازاي ؟ سلم نفسك لاسئلة طفل لمض شوية و كمل للاخر

ان اجلا او عاجلا العالم سيتحدث لغة واحدة لانه صار قرية واحدة و مش معقول يعني قرية واحدة هاتتكلم لغات غالبا هذا لن يحدث في اجالنا لكنه سيحدث حتما في زمن احفادنا و ربما ابناءنا

الانسان مننا بيطلع يلاقي نفسه بيحب بيئته و ينتقدها بعنف لانه عاوزها كاملة مكملة لكن بيئتك هي اللي بتعلمك ازاي تفقد حبك ليها تدريجيا و يبدا عنف انتقادك ليها يقل كل ما حبك ليها يقل و تبدا في نفاقها و مدح عيوبها كل ما كراهيتك ليها تزيد و ده مش بس نفاق لبيئتك لكن كمان نفاق و خداع لنفسك علشان ماتنفضحش بينك و بين نفسك و تكتشف انك كداب اكتر ناس رافعين شارات حب مصر هما اللي مش عايزين يرجعوا و لا مخططين يرجعوا و لو حد رجع بيبقى ناوي يعيش في محمية تعزله عن اهلها و اللي له حق الانتخاب منهم في غربته بينتخب اكتر مرشح ناوي يمنع الهجرة من بلده اللي بيدعي حبها لبيئته اللي مش عايز حد يوسخها اكتر ناس بيدعوا حبها كارهين اهلها كارهينهم كارهينهم شايفين ان وجودهم عار و تكاثرهم عار و انهم عبء على الوطن و انا مش قادر افهم ازاي تحب وطن من غير ناسه ازاي بتحب مصر و شايف ان شعبها يستحق الفناء بترقص على دمه و بتبرر اللي يغمه الحب ممكن يكون وجهات نظر و كل واحد بيحب بطريقته لكن اللي ما يعرفش يتعاطف و لو بينه بين نفسه مع دم انسان متعذب و لا مع طفل محروم من رضعة و لا مريض مش لاقي دواه يبقى لا بيحب مصر و...

اشمعنا بتساند فلان و تجاهلت قضية علان؟  خلاص يا سيدي انا مع حقوق فلان و علان و ترتان  ايوة اشمعنا بقى ما وقفتش جنب فلان و علان و ترتان غير لما فلان هو اللي وقع عليه الضرر؟  انا اسف يا سيدي و متضامن مع فلان و علان و ترتان باثر رجعي  و في الاخر يطلع فلان و علان و ترتان يقول لك مالكشي دعوة بيا و لا تسأل عليا حكومتشي و بتعذبني اش دخلك انت يا حشري يا عميل؟

احمد شفيق قد لا يترك دبي لأن القتل فيها لا يسجل ضد مجهول , هو صحيح مفيش حد ناوي يقتله بس هو جبان , جمال مبارك جرئ عنه

انتخاب حاكم غير مسلم زي تشغيل سباك غير مسلم مفيش فرق المصيبة في من خلعوا على الحاكم لفظ الامام بلعبة حاوي ثم بنفس لعب الحواه قاسوا احكام الامامة في السلطة على الامامة في الصلاه شيوخ زمان مكانوش دروايش دول كانوا فهلوية 

احنا مش بس معظم مناقشاتنا تعتمد على سوء التفاهم اكثر من الاختلاف في الراي  احنا كمان بنوظف سوء التفاهم و بنستثمر فيه في حواراتنا العامة بل و حواراتنا المنزلية حتى بين الام و ابنها  الولد يقول لامه مش عايز اغسل القميص ده علشان خارج بيه امه تقول له الحق عليا اني باغسل لك هدومك انا عن نفسي اتعلمت لما الاقي حد بيستثمر في سوء التفاهم و بيوظفه اني اعتبره من ضمن الجاهلين الواجب الاعراض عنهم ان لم اكن مضطر لخوض الحوار لسبب معيشي ملح

مع الوقت و مع تعمق ثورة الاتصالات سيضطر المثقف المعاصر و المستقبلي انه يفهم ان النخبوية افراز لمجتمع ينتخب و بالتالي لازم المثقف يرشح نفسه و يلتحم بمجتمعه و لا يتعالى عليه

انا ممكن اعرف الاسلاميين بانهم من يعتقدون بان العلوم الطبيعية يتم دراستها من الواقع و مناهج البحث المتبعة عالميا و عصريا بلا كثير من قيود او شروط و كذلك لا يتحرجون في استيراد التكنولوجيا "فهم في ذلك مثل جل المسلمين" لكن يجمع بينهم اعتقاد ان الانسانيات من فلسفة و فن و سياسة و اقتصاد اجتماع و نفس و تربية و ادارة علوم يمكن استنباطها بالاساس من القران و السنة و تاريخ المسلمين النظري و العملي و يرى بعضهم بانه لا باس من الاطلاع على تجارب الاخرين في تلك الشئون من باب الاستئناس و ليس التاسيس النظري او الفقهي بينما يتحفظ بعضهم على ذلك ايضا فيجمعهم اعتقاد ان الاسلام مصدر المعرفة الانسانية لذلك تجدهم يدرسون السياسة من السيرة النبوية "المنهج الحركي للسيرة النبوية - منير الغضبان و سيرة الرول للصلابي" و قصة يوسف و قصة موسى و كتاب السياسة الشرعية و الاحكام السلطانية التي تقيس امامة شئون الدنيا على امامة الصلاة رغم ان ليس هناك ما هو مشترك بين امامة الصلاة و قيادة "امامة" الناس سوى اللفظ اللغوي فقط و الاقتصاد يستلهمونه من اية تحريم اكل الربا اضعافا مضاعفة و فقه الزكاه  ...

واحد ملحد مرة قال لي انا اطمنت لما امنت بعدم وجود الله علشان عرفت ان مفيش حد مستقصدني و غاوي يبتليني و يحطني في مشاكل و يختبرني و يطلع عيني علشان يتباهى قدام ملايكته ان عنده عبد يبهدله ينور يرزقه بالنعمة و يسحبها منه ينور كيف ترد لو كنت مكاني؟

اكثر ما يفقدني الثقة في اي اسلامي مهما بدا متسامحا مستنيرا منفتحا انه اذا صدر نداء الحرب على الاسلام يفقد صوابه فتجده مستعدا للحرب و الموت بالوكالة لصالح اي طرف ضد اي طرف و ان تضحيته بالدم اسهل لديه من تضحيته بشوية جهد و وقت و وجع دماغ في قراءة دهاليز السياسة يعني مهما تحرر الاسلامي يظل اداه تتحرك بريموت كنترول حركة بندولية بين صلح الحديبية و بين صرخة واسلاماه للاسف

لو انت خبير اقتصادي ده يأهلك انك تشتغل مستشار لشركة لكن علشان تبقى لاعب في السوق فلابد لك من راسمال سواء كونته بنفسك او حصلت عليه من ممول او حتى ورثته و كذلك عالم السياسة لابد ان لا تقتحمها الا بحجم ما في يدك من راسمال مكون من اوراق ضغطك "دبابة - تحالف رجال اعمال - طائفة دينية تسمع لك و تطيع - تنظيم حزبي - شبكة اعلامية تملكها - مساندة راي عام قوي متماسك و مؤثر و فاعل - تنويم مغناطيسي لا يخذلك ساعة الجد " لكن تدخل السياسة بصفتك راجل محترم يعني باختصار حضرتك شغال منديل بتتشال في اعلى جيب و تترمي تاني يوم تحت نعل حذاء دون ان تملك و لو حتى واحد في المائة من اوراق الضغط انت مجرد مستحضر تجميل فاهم يعني ايه مستحضر تجميل "بصوت عماد حمدي" كلامي رغم انه مقصود بيه البرادعي لكن المعنى عام و يمتد ليشمل الشباب الثوري الطاهر البرئ النقي اللي مفيش اهبل منه و يشمل كل من يدخل اي سوق مهما صغر حجمه بلا اي راسمال سوى انه خريج كلية تجارة انجلش ما هو مش معقول يعني نخلص من صمودك اخجلنا يا عباس الضو ندخل في هبلك ضيعنا يا ابو العلا البشري

في العشر سنوات الاخيرة من حكم زارع نخيل البلح مبارك الاول كان هناك تسامح نسبي مع المطالب الفئوية و الاضرابات العمالية بشكل ادهشني وقتها لكن في عصر بلحة التاني فهمت التفسير مبارك زارع البلح كان شايف ان السماح بالتنفيث الفئوي سيعمق النظرة الجزئية لدى الشعب و سيجعل الشعب قادرا على الضغط على الحكومة بدون مشروع سياسي و بالتالي تشتيت طاقة اي ثورة في مطالب محدودة و قد تكون متعارضة في اغلب الاحيان مما يسهل قمع الشعب بالشعب لكن بلحة التاني لما لقى ان سياسة زارع البلح ادت لقيام ثورة قصيرة النفس خلعته و سلمت نفسها لنظامه فقرر بلحة الثاني ان يطبق سياسة الشمولية في كل شئ فرسخ فكرة ان اي فئة محدودة هتنزل الشارع هاتموت و بالتالي اي فئة اصبحت حريصة على استنهاض الباقيين ليحتموا في بعضهم و كل مصري اصبح معه ترمومتر يحاول تعلم ضبطه ليعلم هل حانت اللحظة المجمعة ام لا لان كل مصري منتظر الثورة ليشارك فيها او يستفيد منها و خائف ليثور لوحده فيموت لوحده و كذلك بلحة الثاني ايضا قرر اما ان يستمر للابد و انا ان تكون الثورة شاملة فلا يكون خلعه هدية نفيسة لمن يليه من البلح ما يغركش ان بلحة الثاني حمار...

ترامب هايكمل سياسة اللي يتفق عليه الثلاثة الاقليميين الكبار"روسيا تركيا ايران" هو اللي يصير على التخين في الشرق الاوسط و امريكا موافقة عليه اهم حاجة ما حدش يدوس لاسرائيل على طرف علشان المصلحة دي تهمنا لا مؤاخذة  و ال سعود لو مش هايعرفوا يوفقوا اوضاعهم و يحموا نفسهم فليذهبوا الى هامش التاريخ غير ماسوف عليهم ده تصور ترامب لمنطقة الشرق الاوسط كما اظن و هي نفس سياسات اوباما في السنة الاخيرة من بعد الاتفاق النووي مع ايران

لو الغلابة الجعانين نزلوا الشارع فعلا مش هاينزلوا يوم الجمعة غالبا هاينزلوا يوم حد او اتنين او تلات او في دخلة عيد لو الغلابة نزلوا الشارع فعلا مش هاينزلوا يتظاهروا امام اجهزة السلطة لكن سيقتحمون سلاسل الهايبر ماركت و محلات التوحيد و النور "معركة ذات السلاسل" لو الغلابة نزلوا الشارع مش هايركبوا مواصلات يروحوا بيها قدام الكومباواندات لكن هيتوجهوا فورا لتجمعات الطبقة المتوسطة الدنيا المجاورة لهم و يسطوا على السلع الاستفزازية زي الادوية و الفراخ و الاسماك و اللحوم و التلاجات لو الغلابة نزلوا الشارع فعلا الطبقة المتوسطة اللي سيادتك منها هي اللي هتطلب تدخل الجيش بل ستدين الجيش على تاخره و تردده في الضرب في المليان و سويداء القلب #ثورة_الجياع لو قامت ستجبرك كاحد سكان الفيس انك يا اما تختار الانضمام للصعاليك بما لهم و عليهم و اما ان تنضم قلبا و قالبا لعبيد قصر الفرعون يا ابيض يا اسود ما فيهاش #ابوالفتوح و لا حتى #مرسي عجل الله خروجه الشريف #ثورة_الغلابة لو حصلت هاتجيب حاجة من مقاس شفيق باعتباره نقطة المنتصف بين رجال اعمال جمال و عسكر الجيش ليكونوا صفا وا...

قرأت منذ عدة سنوات رواية مترجمة اسمها "uncertain glory" تأليف هيرب ميدو و ترجمة فهيم حبشي تم انتاجها سينيمائيا عام 1944 المترجم كان مسميها "فداء" تدور احداثها في قرية فرنسية زمن احتلال المانيا النازية لفرنسا حيث قامت المقاومة الفرنسية بنسف قطار محمل بعسكر الاحتلال النازي فقام الجيش النازي باعتقال عدد كبير من شباب القرية القريبة من العملية و هدد باعدام الشباب في الصباح اذا لم يقم الاهالي بتسليم المقاومين الذين نفذوا العملية ما يهمني هنا و ما جعلني اتذكر تلك الرواية هي طريقة تعامل الاهالي في بلد منسوب للحضارة و الثورة و الديموقراطية و الفلسفة و التنوير و كيف ان تصرفاتهم تباينت بين الخسة و الندالة و السلبية و شئ من النبل و كيف كانت حواراتهم و تفاعلاتهم عنيفة و نفعية و شديدة السخف و القسوة ما اردت الاستشهاد به ان المجتمعات اذا ما تعرضت لمآزق كالتي نتعرض لها فانها لا تختلف عننا كثيرا مهما كانت متحضرة و ليس هذا تبرير لسلبيات المصريين لكن تفسير للطبيعة الانسانية عموما و ان ليس كل ما نراه من سلبيات تكون بالضرورة وثيقة و لصيقة الصلة بمصر و الشعب المصري كما اعتدن...

الحوار مع جماعات التبرير اللاارادي يضر بصحتك و يؤخر شفاؤهم لانك عندما تحاورهم تحرق اعصابك و انت في امس الحاجة اليها في الايام القليلة القادمة كما انك تستفز طاقة العند الكامنة لديهم فيزدادوا غفلة عن تحسس خسائرهم التي اعمتهم الاجزاء المفقودة من انسانيتهم عن تحسسها هؤلاء المساكين بالفعل في حاجة الى مزيد من الاوقات الاضافية ليشعروا بمدى فداحة الخسارة التي يتكبدونها

تنقصهم البلاغة فيلجأون للمبالغة

"ان الله لا يصلح عمل المفسدين" البعض يفهم ان لو بنى احدهم مستشفى خيري من فلوس حرام ان المستشفى ستنهار و تخرب و انا افهمها ان المستشفى ممكن تنجح عادي لكن المجرم لن يفلت بجريمته في الاخرة و لن يتحول فساده الى صلاح  و انت لو نظرت في تاريخ البشرية سنجد ان اغلب ما نحن فيه من تكنولوجيا و حضارة من عمل السادة المفسدين  و اغلب الانتصارات من صنع قادة سفاحين و جيوش مجرمة "عادي جدا " و ظني ان فشلنا الدنيوي المتكرر ليس بسبب اننا مفسدون "و ان كنا كذلك" لكن بسبب اننا دخلنا تحت بند "لا يفقهون"

لا تنحصر الكارثة فقط في ان السائق سكران لكن الاخطر ان الركاب مخطوفين من اماكن مختلفة و لا يعرفون بعضهم و كل راكب عايز يرجع مكان مختلف عن الاخر و يسوق في اتجاه مختلف عن الاخر #اللي_شبكنا_يخلصنا #ما_بيعرفش_يخلصنا #مش_عايز_يخلصنا

شماتة الناس في بعضها اشد من غضبها من العصابة

تحميل كتاب الموجة الثالثة التحول الديمقراطي في أواخر القرن العشرين pdf لـ صامويل هنتنجتون ترجمة عبد الوهاب علوب تقديم سعد الدين ابراهيم اضغط هنا